مثبت الحمل

بغيت أسأل إذا في وحده لا سمح الله استخدمت مثبت حمل وإذا إستعملتي لأي شهر إستخدمتيه وهل له دور فالحمل وهل ممكن الوحده تسقط من ورا هالشيء

هلا الغاليه

مثبت الحمل تنعطى للحرمه اللي في احتماليه ان البيبي يطيح او عشان الدم و يستخدم مدة 3 شهور ..و اللي الله رايدنه يصير .. في حريم مع التثبيت يطيح و في ناس بدون التثبيت يثبت .. توكلي على الله

مشكورة أختي target

حبوبه، انا استخدمته في اول بيبي لي، و قالت لي الدكتوره، اذا كان في حمل (لأن ما كان مبين لذيك الحزه، و كنت بسافر) فان شاء الله يثبت، و اذا ما شي، فيساعد في ان الدورة تنزل و ينظف الرحم!
استخدمته لمده 15 يوم مكثف (مرتين باليوم)! شي حريم ياخذنه مره باليوم لمده 3 شهور
اذا الله رايد يثبت الحمل، بيثبت! خذي الادويه و لا تحاتين

ما عندي فكرة .. ما استعملته الحمد لله..

بالنسبة لي ما عطوني أي نوع من الأدوية إلا اللهم كانوا يحطون لي على بطني لزق من ناحية اليمين واليسار ويقولون لي أنها خاصة لتثبيت الحمل (مع أني كنت في الشهر الخامس أو السادس من الحمل)… لكن هذي اللزقات كان فيها كمية من الدواء تسبب لي حكه فظيعة وتشقق في الجلد واحمرار فقمت وشليتها… مدة استخدام هذي اللزقات ما دامت أكثر من اسبوعين وكان المفروض أني أخليها أكثر بس ما قدرت من الحساسية اللي سببتهم لي.

المثبتات تستخدم في الشهور الاولى من الحمل فقط وتساعد على ثبات الجنين والمثبت الله سبحانه وتعالى ولكن اعملي بالسبب لعل بالامر خيره والل يثبت حملك ويرزقك بالذريه الصالحه اللهم آمين .