السلام عليكم ورحمة الله وبركاته
اشحالكم خواتي
حبيت اعرف متى اتسترون بناتكم الاصغار ؟
يعني متى تلبسونهم الملابس المستوره ؟؟ لما يوصل عمرهم لكم؟؟
ومتى اتحجبونهم ؟؟ وتلبسونهم عباه؟؟؟
بصراحه ما عندي بنت بهالمرحله ،،
بس استغرب من اللي اشوفه بالمولات ؟؟بنات اطول من امهاتهم ولابسات تنانير قصيره فوق الركب ع مستوى افخوذهن ؟؟وانقول ليش تستوي جرائم الاغتصاب؟؟
الله يستر ع الجميع يارب ،،،
فاللي عندها بنت اتخبرنا متى اتسترها ؟؟واللي ما عندها اتخبرنا برايها السن المناسبه اللي المفروض تستر فيها البنت ؟؟
من هيه صغيرة اشتري لبس طويل ومحتشم لين عمر ثلاث سنوات لبسيها ومن عمر خمس حجبيها "
بنتي عمرها تسع شهور من يبتها ما لبستها لا كات ولا حبال ولاشي مفصخ اخاف يوم تكبر استسهل الموضوع 
اتوقع من 6سنين حلوو
كت وتنانير قصيرة وبناطلين وجلابيات وهي عمرها 8 شهور ..
ان شاء الله من عمر 3 او 4 سنين ببدا البسها لبس محتشم ..
خاصة الحين زمننا يخوف حتى الياهل ما خلوه في حاله ..
وبالنسبة للعباة ..
يمكن يوم تبلغ ..
ماعرف الصراحة .. الله يحيينا لين هاليوم
تسلمين عالموضوع ..
تسلمون خواتي ع المرور ^ــ^
الحمدلله انه شي ناس عندها هالقناعه ،، اتستر عيالها من هم اصغار ،لنه بعض الناس ايقولون انتوا مل اول والناس اطورت ؟؟
انا عندي بنوته بعمر السنتين البسها اي شي بس تقريبا ساتر اعودها واعود نفسي بعد ع سترها من الحين ،،وعن الهافات البسها الطويل افضل بصراحه ،، لنه الهافات القصيره تبان ع الجوانب وخاصه البنات طبعا ،، فانتبوا خواتي ع بناتكم حتى لو اصغار مب حلو حد يشوفهم حتى لو اخوالهم او اعمامهم ،،
بنتريا رد باقي الخوات ^ــ^
العباة اكيد من تبلغ…
البنية اذا اتعودت ع اللبس المحتشم( بحدود) من الصغر .. .. خلاص بتتربي ع هالشي
ع طول..