السلام عليكم ورحمة الله وبركاته
جيف حالكن بنات وعرايس وامهات
بغيت اسالكن شو رايكن في الموضوع،، صار لي سنه وشوي انخطبت لواحد وانا ما كنت اعرف،، ولما عرفت بالصدفه اهلي قالولي فكري وردي علينا فكرت وكنت برد بالرفض بس اللي صار انه ابوي سكر ع الموضوع لما اخلص درااستي قرر يفتحه،، والحمدلله خلصت الدراسه،، وانفتح الموضوع مره ثانيه،، وصليت استخاره بعد وما ارتحت وقلت لامي وخواتي،،، وقالو لي عطي نفسج فرصه،، ومن فتره قصيره ارجعت ام الولد و رمست امي بالسالفه،، وقالو لي يبون الرد،، مع اني في المرتين كنت مب مرتااحه للموضوع..
لعده اسباب،، منها انه مستوااه التعليمي ثانوي،، ولما كنت باول العشرين من عمري سمعت انه عنده مرض السكر بس اللي قالته امه انه مافي،، حالتنا الاجتماعيه نفس الشي تقريبا،، يقولون انه زين وطيب بس ما ادري وبعد الله رزقه الجمال،، انا متوسطه الجمال يعني بهالنقطه غلبني فيها والتقارب في شكل الجسم والعمر نفس الشي. بس مثل ماقلت لكن انا خايفه من موضوع السكر والفرق في المستوي الفكري،، وانا اوردي صليت مرتين استخااره وبالمرتين ما ارتحت،،
افيدوني من خبرااتكم يا حلوين..
الشوفه الشرعية مهمه شوفيه وحتى لو رمستيه بالفون بحضور هلج ترى ياما بنات نصيبهم في اللي ترددو فيهم
اختي مهما كان مستواه التعليمي هذا شي ما يخليج ترفضينه
مب كل اللي عندهم شهادات مثقفين وتفكيرهم اوكي
فيه ناس دارسين ابتدائي بس وعقلهم احسن من عقل اللي عنده دكتوراه
والمرض شي طبيعي يعني كان ممكن اييه السكر عقب الزواج مثلا شو كنتي بتسوين
ان وقفتي وياه ترى بتاخذين اجر فلا تفكرين في هالأمور وتخلينها عائق حتى بعد الاستخارة
فكري بطريقة ايجابية دام الريال زين, الحين الزواج صار صعب ووايد بنات تامات بدون زواج
فلا تضيعين الفرصة من ايدج والله ييسر لج ويوفقج
توكلي ع الله وعرسي
ترئ مايصير عندنا الشوفه الا بعد ما ارد هيه او لا
ان شا الله،، شكرااا حبيبيتي الله يقدم اللي في الخير
– – – Updated – – –
الله يكتب الخير،،
الله يكتب لج اللي فيه الخير