السـلام عليكم ورحمة الله وبركاته
في موضوع حبيت اتناقش فيه وياكم .. وهو موقف حاصل مع ربيعتي وابا اعرف كل وحده شو بيكون موقفــها لو صار معاها هالشــي
نتخيل لو يا واحد وخطــبج واهلج سالوا عن الريال ولعلم انتي من اماراه وريلج من اماره ثانيه .. وكل حد شكـر فيه وفي اخلاقه وابوه ريال معروف والنعم فيه والخ ..؟
وتمت الخطــبه وبعدها الملجــه وبعدهـا الزواااااااااااااااااااااااااج !!!
وكانت من احلــى لحظــات واحــلى ايام واحلــى شـهوور
مالاحظـتي اي تغير من قبل ريلج في فتره الخطوبه او الملجه لكـن في الزواج حسيتي انه كثـرت اسفاره للعمــل يومين مب أكثـر ..بس طبيعة شغله جيهـ انه يتغيب عن البيت لايام فقط
لـكن الطــــــــــااامه الكبرى عقب سنه من زواجج تكتشفيييييييييييين انه ريلج متزوج قبلج وبالســر ومحد من اهله يعرف وعنده اعيال !!! شو بيكوون موقفج ؟؟؟
ربيعتي للحيــن الله مارزقـها باعيااال ويوم درت بالسـالفه سارت بيت اهلها وطبعا يوم واجهوا ريلها ماانــكر ,, بس هيه زعلانه وشاله في خاطرها انه كل هالفترة قص عليها وماخبرها بالحقيقه قبل الزواج لانها مسحيل توافق ولا حتى اهلها
والحين هو يتصلبها ويزورهم وهي تحبه وهو يمووت فيهااا وترفض تكلمه او تطلع تشوفه وهي طالبه الطلاق ؟؟
شوور رايكم وشو تنصحوونها ؟؟؟؟
موقفها صعب…
الله يكون بالعون
والله مادري الصراحة موقف لا تحسد عليه .. انا ما اريد اخرب عليها دام هو يحبها ويبيها ترجع وراح عندها .. ممكن تقول خلاص الي صار صار واذا هو مو مقصر معاها تكمل معاه مثل ما كانت معاه ..
الله يعينها
بس هي الحين متزوجة خلاص وخصوصا انج تقولين انه يحبها وهي تحبه، يعني لا مفر من الرضوخ للأمر الواقع، بس المشكلة ان الثقة بتكون تزعزت الحين، بس في النهاية هي متزوجة وهو مب مقصر معاها ويحبها واتحبه فالأفضل تبقى عاه بس بعد قعدة معاها ومع أهلها إن يحسسونه انهم شالين في خاطرهم على هالنقطة ويحسسونه انها بنتهم وما بيتخلون عنها ويكونون شوي حازمين معاه عشان يحط في باله إن وراها ظهر وما يلعب بذيله،
الحرمة لازم تقدم تنازلات، خليها اتكلمه وترد له بعد ما تتفق معاه ان يكون صريح معاها من اليوم وساير،
الله يسهل عليها
الله يعينها
عزيزتي ما يبالها حيرة
لمشكلتها حلين لا ثالث لهما
يا انها ترجع له وترضى الواقع وتتقبل وجود حرمة غيرها في حياته دامها تموووت فيه وهو بعد
يا تطلب الطـــــــــــلاق وتروح في حال سبيلها دامها ما عندها عيال
خلها تفكر زين زيييييييييييين لأن الوضعين بيكونون صعبين عليها فالبداية لكن عقب بتتأقلم
والله يوفقها يارب
ولكن من منطلق اني احبه وهو مب مقصر معاي
بستسلم للواقع المرير الي يجرح شعوري وكرامتي
بس اذا هي مب قوية عزيمة صعب انها تعيش معااااه
والله القراار صعب جداااا..الله يسامح الرياييل