هلا خواتي
بغيت أسأل عن الأغراض اللي احتاج أشتريها حق بنتي لما بتسيير أول روضة في مدرسة خاصة
إن شاء الله
شو أشتريلها وشو الأدوات اللي احتاجها حق أول سنة دوام
و مشكورااااات مقدما
:22 (5):
مرحبا الغالية
في البداية تهيإينها حق المدرسة قبل بوقت
ولازم تكونين معلمتنها عالأقل الألوان ، الأشكال ، المفردات البسيطة المبدئية
وكيف تمسك القلم وتلون وتمشي عالنقاط
واللوازم عادية
– lunchbox مع شنطة صغيرة
– مقلمة كاملة بالقلم المساحة البراية والمسطرة
– توك حلوات حسب لون المريول
– جوتي وانت بكرامة
– دليغات
هذا اللي يحضرني الحين
وبالتوفيق لبنتج الحلوة
:22 (12):
بس الا لعب ويتعلم الياهل كيف يكتب اسمه
ويمسك القلم ….
يعني مع شغلات المدرسه من لبس وكرمتي جوتي ودلاغ
تاخذين لهاا شنطه صغيرونه وكمن قلم حلوو رصاص بس
اشكالهن حلوات لليهال
وتحطيلهاا دفتر مسطر ولا منقط وتكتب اسمها
وكتاب ثاني فيه صور للالوان والحيوانات ومن هالسوالف
وتتعلم عليه شوي كيف تكتب وشوي كيف تميز
وحببيهاا للدراسه
والصلصال لاتنسينه يموتون عليه اليهاال
وربي يسعدج بنت عمــــــــــــي ويا بنتج
يا ربي ع الصغااريه …
أنا بنتي خذت لها تكرمين الجوتي والدلاغ أو هيلا هوب
وشنطة الأكل وبس
لأن المدرسة كانت توفر الألوان والأقلام وغيره من المواد القرطاسيه
وأنا ما خذت لها مطارة الماي كنت أحط لها غرشة ماي العين أو مسافي
الصغيره الي يكون عليها رسوم لأن المطاره تشب ماي وتخيسها
المدرسة الخاصة عندهم الملابس جاهزه نشتريها والادوات كراس للعربي وكراس انجليزي قلم رصاص ومساحة مسطرة الوان خشبية صبورة مع القلم والمساحة ملف شفاف لحفظ اوراق الواجب صلصال قص ولصق صمغ اوهو نوته صغيرة لملاحظات معلمة التحفيظ …
هذا اللي يحضرني وبالتوفيج