السلام عليكم…..بنات حبيت اخبركم اللي بخاطري وتخبروني شو اسوي…نحن من عائله بدويه وانتو عارفين البدو كيف البعض منهم متشدد ومنهم المتحرر…وعمري24سنه…وبيتنا وطبيعه بيتنا ممنوع كل شي..دراسه /سواقه/شغل…بحكم ان الجامعات فيها دكاتره..وبحكم السواقه عيب لللحريم حتى لو نسوم ويهنا تعال خذنا وتعال وصلنا…والشغل ممنوع بحكم انه عيب …وحتى لو كان مكان مب مختلط
بيسوون لنا حفله وديسكو على راسنا ..ومايشجعون الواحد يشتغل ولايدورون لي شغل وولو مب مختلط اونه قعدي في البيت..وبيقولون مالكم الا البيت …المهم انا الحمدلله تزوجت بريل
متفهم وهذا اللي كنت ابيه مايمانع اني ادرس ولايمانع اني اشتغل ولااسوق……………الحمدلله طلعت لي سياره وليسن واشتغل حاليا وادرس مسائي….بس كل ماروح بيت الاهل ينتقدون…انتي غديتي غير عن اخواتج
فارطه على قولتهم وريلج هب ريال..وش لج بالشغل والسواقه…انتي ليش طلعتي غير عن عايلتنا بكبرها مع ان قرايبي نفس حالتي يشتغلن وكل شي…اللحين الواحد يوم يشتغل والا يدرس والا خذ الليسن ارتكب منكر والا كبيره من الكباير؟؟ ………………………صراحه اظايج حد يسب ريلي ويهينه جدااااام الكل ….حريم متيميعين مالقى الا سبه على ريلي….بس انا مااسكت؟؟؟؟؟؟؟؟
ادافع عنه وقلت لهم لو ظليتو جيه ترا مااقرب صوب عتبه الباب…تخيلو احباط مايباركون على ليسن
ولايباركون على شغل..ولايباركون على دراسه …حتى انها يقولونها بويهي الله لا يوفقج
قلت لهم سبوني انا بس ريلي مالكم خص فيه…وقعدت اتفداه جدامهم كلهم عشان ينقهروووون…
صراحه تعبت خاطري مااروح لهم خير شر بس لازم اسلم على الوالد والوالده.. بس مااقدر
اتحمل اهانه اكثر من جيه…وكل ماروح يفتحون هالسالفه كرهوني بحياتي…انا مستانسه بحياتي ولله الحمد لازم ينغصون علي..مب كفايه عشت معاهم في ممنوع ومحظور وعيب…انا ماتخطيت العيب…
وانا قررت اقاطعهم بس كيف ولازم اسير اسلم على اميه وابويه …شو الحل؟؟؟؟واذا قطعت الكل بيحتشر…والكل بيرمس عني..تعبت والله احباااااااااااط مثلهم ماريت………مايشجعون الواحد يسوي شي….حسبي الله ونعم الوكيل..طلعت من عنهم وانا اصيح دم,,, واتحسب عليهم واستغفر اللله
ماداني حد يسب ريلي ويهينه وهو ماسوا شي…واخوي مب فالح الايتمصخر على ريلي وشغله
ومافيها شي لو ساعدت ريلي ,,
الحل …………………………..
المشاركة الأصلية كتبت بواسطة الغلـــــا 
صدق حسيت محد فيه الخير…انا ما بقول منو لانه ما فيني يعرفون اهلهم ….بس ناس من اهلنا جي متشددين …وكل شي ممنوع ..حتى اكل الكافتيريا ممنوع…مره بنتهم طلبت مني اللاب توب على اساس بتخلص تقرير المدرسه …..وطرشته لها..و وخلصت شغلها …وانا نسيت اشله وتم اللاب عندها لانه انا عندي جهازي الثاني..المهم من كم يوم انصدمت انه شافوا اللاب عندها مع انه النت مقطوع يعني المسكينه شو بتسوي فيه …والله جلبوا الدنيا على راسها..وعلى راسي واوني انا خربتها….؟؟الله لا يسامحهم لا دنيا ولا اخره والله فيني غيييض وضيييقه في خاطريه اخنقهم واحد واحد ..تخلف فظيييييع….
……………….خيبه لهالدرجه؟؟؟؟ حسبي الله ونعم الوكيل صدق ماعرف ليش جيه الناس غاديه؟؟
ترى النت مقطوع كيف البنت بتجابله؟؟؟ وانتي مسويه فيها خير هاي يزاه الاحسان الا الاساءه؟؟؟والظغط على البنت بهالشكل والله انه مابيصلبها بالعكس احس اللي مشددين بالقو
هم اللي تظهر من عنهم البلاوي ….. الله يصبر قليبج ويبرد على فؤادج يا الـــــغلأ………….
ماعلينا الا الصبر والواحد يفكر بنفسه وينسى كلام اللي حواليه ولو انها صعبه…………….
حبيبتي في هالوقت محد يعيبه شي الكل يبا ينتقد وبس ماعليج منهم اهم شي ريلج
وماعليج من الباقي ردي عليهم بكل هدوء عشان تبتعدين عن المشاكل
انا الي يقهرني هو انه ما احب حد يدخل في خصوصيات وقرارات زوجين
ياربي ريلها راضي الباقي شو له خص يتحكم في حياتها ><
بالنسبه لي ريلي اهم شي والباقين لو مارضوا كيفهم
دام انج ماتسوين منكر والا شي يغضب ربج كوني واثقه من نفسج وخلي الباقي يموت قهر
حقك تسلمين على امك وابوك وخواتك وتمشين والوجه من الوجه ابيض يعني لاتصرين انك تناقشينهم بزوجك
وحالتك بعد الزواج خليك مقتنعه من ان الي تسوينه صح..
ووفقك الله وكفاك الشرور..
تحياتي
اختك
سوسو
الله المستعان
حبيبتي الي انتي تسوينه مب غلط وانتبهي لحياتك ولزوجك بس لاتقاطعين امك وابوك زوريهم واي احد يقولك كلام عطيه طااااااااااااااااااااااااااااااف وعيشي حياتك والله يصبرك غناتي
ما عليه .. نصيحتي لج إنج اتخلين علاقتج ابهم علاقة سطحيـــة .. و عليج من أمج و أبوج اتصلي لهم .. وو زوريهم و سلمي .. وو لا تقطعينهم بس لا اطولين اليلسه تجنبا للمشاكل و القيل و القاااال .. ووو الله يصلح امابينكم ووو يحنن قلبهم عليج و على ريلج ..