هلا بنات شحالكن عساكن مرتاااااحااااااات
بدخل بالموضوع عاطول واتمنى تعطني رايكن
خوياتي انا مالجه من اسبوع ونص تقريبا زواج تقليدي
بس للاسف ما حبيت ريلي ولا ارتحتله ابد
هو طيب ويقول يحبني ويقول الحمدلله ان الله كتبني له ويمدح فيني
بس قام يقولي شروطه وهي انا ما احب السوق ولا احب السفر ولا يبا تصوير حق العرس
اونه ما يحبه مع انه يوم الملجه جنا مصورين
واول ليلة العرس ما بنام بالفندق بيروح بيت اهله وشهرالعسل بيودين الامارات الشماليه
يوم خبرته نبا نروح شهرالعسل لندن قال مايروم ع لندن خبرته نروح تركيا ع الاقل
قالي بجوف حسب الماده اذا توفرت بنسير وخبرني انه ما يبا احد يعرف برمستنا بس انا انقهرت
فخبرت اهليه وبويه رمسه ومن يومها ما دق ولا سئل عني حتى مسج ماطرش صارلنا
4ايام مارمسنا من بدايتها جيه انا اسمع احلا ايام ايام الملجه كلها غزل وحب
والكل ايقولي استغلي هالفتره تراها احلا ايام العمر وانا ما جفت هالشيء ولا حسيت فيه
بصراحه ما دش فخاطري وابا اتطلق خلاص ما اااااااااااابيه والله فوادي يعورني ودووووم مضايجه
شو اسوي شو تشورون عليه اتطلق ولا اتم وياه
استخيري بعد مره وبعدين قرري والله بيكتب لج الي فيه الخير حبيبتي اهم شي فترة الخطوبه تحاولين تعرفين عن اطباعه وشروطه . . بس بعد عندج فرصه اختي
سوي اللي ترتاحين له واستخيري ربج
لان عقب العرس لو فات الفوووت ماينفع الصوووت
والله يوفقج
والله ما عارف شو اقولج اتريي شوي مع الوقت ينفهم السفر اختى مو ضروري انا عرست وسافرت بعد العرس ب سنة اتخيليي وعادى حبوبة الطلوع وغيره حقه يعنى تطلعين وياه كلامه عادي هدا شكله راح يصونج وخايف عليج ويغير عليج بعد لا تظلمينه وتظلمين نفسج خيتو
وشو اقولج هده وجهة نظري تقبلي ردي اختى
اكيد زعل لانه قال لج لاتقولين حق حد وقلتي حق ابوج
يعني لو سكتي ومارمستي ومع الايام تقنعينه ماجفت في كلامه شي يضايج
واللي سوؤيتـي غلط
—> انـج خبرتـي اهلـج باللـي صـآر بينج وبيـن ريلج..
شوؤفـي عن تجـربه يعنــي مـآقوؤل شي منـي والدرب..
انـآ قلت ماشرط ع اللي يوؤ وخطبوني .. ابي تصوير واسافر العمره والخ..
شروؤط جدآ بسيـطه… بس بالنسبه له كـآنت مستحيله ومـآ عيبهم…
وانا استخر لهذآ الشي وارتحت,,, بس بالاخير مـآصآر نصيب
مـآ شفتي شكلي فرحةة اكثر من يوم يوؤآ وخطبوني,, وقلت الحمدلله.,,
صح انتي نفـس الموضوع,,, بس يختلف الوضع انج عقدتي وملجتي…
فـ حبوؤبه حـآولي تسايسـين ويـآه,,, بالكلـمة الطيبـه,,
ولا تفرضين رآيج…
وحسسيـه انه صح,, بس قوؤلي يعني مـآ استـآهل لوؤ شوؤي من اهتمـآمك..
مـآستآهل احصل ربع اللي حصله غيـري,,,
وحـآوؤلي تتصلين لـه وتعتذرين من اللي بدر منج
.. والله يسهل علييييج…
وبالنسبه ان فترة الملجة حلوؤه وما حلوؤة….
تختلف من ريال لـ ريـآل ,,, ومو كلهـم شرات بعض..
فـ حـآولي انـي تسعدين نفسج قبل لـ تسعدينه,,,
والسموؤحه جـآن طوؤلت عليج^_^
انتي المفروض تعرفينه قبل الملجة عسب تقريرين يكون ريلج ولا لاء ,,, بس احين عاد هالشي راجع لج الغلا فكري استخيري وشوفي انتي لشو ترتاحين لا تفكرين بسوالف طلعه سفر هالامور بسيطة عاديه ما يحتاي تفكرين فيها يوم بتوجين يمكن تتغير امورج … ما ادري والله الغلا شو اقولج بس فكري عدل حاولي تكسبينهتتوددين له لو حسيتي نفسج مب قادره تستغينيه او تحبينه احسن تبتعدي بس بعد فكري مليون مره قبل تتخذين اي قرار … وفالنهايه هذا نصيب يا يصيب يا يخيب … عني انا تطلقت من زوجي السابق (مجرد ملجة) الله لا يراويج في قمة الانحطاط وعدم المسؤوليه توكلت على الله ,بعدها رزقني الله بزوج شايلني على كفوف الراااااااااااااااااااااحه قسما بالله ربي عطاني دره مب زوج ومرتاااحه وياه فوق ما تتصوري .. انا قعدت اراجع نفسي شهر كامل مب يوم ولا اسبوع والحمد لله سويت الصح .. تطلقت والله رزقني .. انا ما اقولج سوي شراتي لا , انا اقولج فكري وشوفي الصح وراحتج وين …