ماقلت لك يالغالي اطمن = خل الدلع لاتصير بطران
اخير تطاوعني وتستن = لاتستوي خبله وشيطان
ماريت فيكم حسن ظن = غير الرفاس وعضّ لسنان
قلبي عليكم دايم يحن = وانته اقليبك هوب حنّان
اتشوف عمرك ف الوزن تن = شايب ووزني سبعة اتنان
يتك النفيعه سقّط وجن = والبنك مملاي لك نيطان
حبك كمنجه ف الحشا يرن = ويحرك اوتاري ولشجان
يا اوليّفي يا اصغّير السن = لاتستوي لي دوم منّان
ان ييت صوبك ريتك اتون = ون سرت ترقص جنك احصان
أموووووووووووووووووووت في طنـّــاف 
أشكرج
صح لسآنهـ .. عاد انا سمعتهآ واحس آحلى بآسلوبه ^^
الله يرحمه ويغفر له
ثره انتي من معجبينه مثلي 
عيل خذي عندج …..
^
^
^
^
^
@ في المدرسة@
في المدرسه عنـي ايـدرّس
يقرا كتاب الالـف والبـي
،
خلانيه يالـس و أكـرّس
بمضغ لحمهم ناضـي ونـي
،
يامـارس المهجـه تمـرّس
تسحب وصد القلب با اللّي
،
دمعي على الوجنه ايخّـرس
حبك بلاني يوم انا اصبـي
،
لوشفتني شيبـه وافـرّس
وامشي بعكازيـن وارتـي
،
والله والله مـاتـعــرس
مادام راسي باجي وحـي
،
وانا الذي ساجي واغـرّس
بيداركم خرفوا لي اشـوي
،
عيزت كم اطبخ واهـرّس
ويوم اغرفوا مابدنّي شـي
،
كلّه كلـه ذاك لمضـرّس
لي يايب اخطوطه من دبـي
،
واجف على بابي واحـرّس
مـرةٍ افـج ومـرةٍ ازلـي
،
مادوّق اشراعـي امتـرّس
ولانزّل الفرمن عن الصـي
،
تصبغنـي بجـذبـك ورّس
عيّيت عنك وبتبـع الفـي
رحم الله الشاعر راشد بن طناف شاعر العفوية والفكااهه
اشكر لك هذا النقل ..
وفي انتظار الجديد والمزيد
أم منصور
الله يرحمة قصيدة جميلة جداً وتسلم يمناج