احب ريلي من الطفوله وللاسف لحد الحين احبه عذبني وكرهني الدنيا خيااانه وراء خيااانه لعب في لعب مايحاتي ولايفتكر فيه ولافي عياله قررت اخليه مع انه من سنه رجعني ع ذمته هي طلقني قبل وشتتني والحين اتخذت قراري مااردله كافي اللي شفته منه بس ليش احبه دخليكن شو اسوي كل ليله يتقطع فؤادي واحس بحرقه اعرف انه مالي غير ربي ونعم بالله بس كيف اتخلص من حبه انا اكتبلكن والشاهد عليه ربي اني اصيح دعواااتكن خواااتي وكل وحده تحاول تحب نفسها بالاول قبل لا تحب اي شخص
الله يساعدج ويصبرج
وياريت قبل مل تاخذين اي قرار انج تكونين متوقعه اي شي يصير وفكري فعيالج
والله يكون وياج
اذكري الله وتعوذي من ابليس ولاتتحسبين انه ريلج بروحه جييه
خذي لج لفه فالقسم وااقري وليش ماااتحااولين ترجعينه لحضنج
دااام انج اتحبينه هاالكثر هااي معركتج حااولي وياااااه لين ماايوقف
حبج له سااعتهااا بتقدرين تصبرين عنه بدووون أأثااار نفسيه 
ولاااانتي شوراااايج باالاخص اذاا كاان يحبج
اشوف انه محد يستحق الحب غير رب العالميـــــــن ..
مافي زوجه ما تحب زوجهـــــا لو تشوف زلاته وافعاله …
والخيانــــة مرض هل الزمــــــن اغلب الريااايل يخونون زوجاااتهم …وما اقصد الكــل …
لكن بيدج انتي القرار ..يا تطلقيــــــن وعيالج يتضررون …او تصارعين خيانــة زوجج لج بكل الطرق والسبـــــــــل …
وترى الريال لو ما عجبه شي في حرمته ما يقول ..انتي بنفسج لازم تكتشفين شو انتي مقصره فيهــ ..
ومرده لحرمته ام عياااالهـــــ …
بس لا تصارحينه انج تدرين بخيانته لج ..لانه ما بيعترف بهـــــــا ..
واكيد ما بتنسينه لانه زوجج ابو عيااالج …
اصبري عليهـــ ..
وادعي ربج يهديه ويصلحــهــ ..
واستغفري دايما ..
وعليج بقيام الليل وادعي من كل قلبج ان الله يبعد عنه بناات الحرام ..
.
.
الله يكون في عونج ويخفف عنج مصيبتج
بصراحه الحرمه بدون ريلها ماتسوى
يزاكن الله الف خير انا حاااولت كل شي حتى الدكتوره النفسيه انصدمت مني ومن اسلوبي انا احل مشاكل البنات واخبرهن شو يسون بهالمواقف بس انا ماظبط معايه شي
اممممممممممممم تحبينه و يخونج ؟؟؟ هاي كيف تركب !!
انزين فكري بها الجملة اللي بقولها و دايما ردديها في بالج (( أنا أحب انسان قبل ما يخوني خان رب العالمين و الاسلام و أهله و أعياله .. يعني هو خاين بكل المقاييس )) …
انا ما راح اقول لج أتركيه و روحي في حالج … بس فكري قبل كل قرار تتخذينه ::
ساعات الحب الزايد و المبالغ فيه يخرب العلاقة بين الزوج و الزوجة …
و ساعات الحب الجامد يوازن الحياة بين الطرفين …
يمكن انتي بأسلوبج تقدرين ترجعينه و تكسبينه و تعرفين شو نقاط ضعفه و شو اللي يخليه يخون !! الريال لما يخون أكيييييييييييييييييييد ناقصنه شيء أو نفسيا مريض !!! أو ضعف الايمان اللي في قلبه …
أنا ما أقدر احكم على الريال لانج كتبتي بأنه خاين و تركج و رجع لج … يعني فيه نوع من المودة يكنها لج في قلبه …
حاولي تهدأين شوي و تفكرين أنا شو اللي قصرت معاه !! لان الريال من طبيعته ما يحب يتكلم و يطلب .. اذا حصلت الااشياء اللي يتمناها في مكان أكيد بيروح له و بينسى مكانه الاصلي ..
انا برجع لموضوعج و بشوف ردج و ان شاء الله بكتب لج وجهة نظري ..
و سامحيني لها الرد