والله يا بنات ماعرف شو اقول 
تقدم لي شخص سمعته طيبة بين الناس
والحمدلله
ونحن في نفس العمر بيني وبينه
وهو من 3 سنين يترياني بس اهلي مب موافقين والسبب دراستنا ونحن كنا صغار على الزواج
بس الحين كبرنا وتقدم لي
بس بعدني ماوافقت عليه ….
:::
استخرت وحسيت عمري ملخبطة اخاف يوم اشوفه ..احس برهبة منه …
ما ادري ليش ..
والمشكلة انه الريال ماعنده شخصية …يعني شخصيته عند امه
فـــــــــــــ كل شي يسوييه لازم يستشير امه …هالمشكلة
وامه راعية مشاكل …بس الولد محبووب
المشكلة الثانية انه يدخن
:::::
ماعرف شو اسوي ؟؟؟
هل اوافق عليه ونغير مجرى حياتنا ونسكن بعيد عن اهله واهلي
او
ارفضه ؟؟
وقلت لكم اني استخرت بس اموري ملخبطة
خواته حبوبات ماشاء الله عليهن
ولله ارتحت لهن
بس موووول ما اداني امهم
i hate here so much
ويوم سألت عنهم
يقولون ان العيال وااايد زينين بس المشكلة من امهم …سوســـة خخخخ
وللعلم (( استخرت 7 مرات
وما ادري خايفة …منه …
خايفة يكون زواجه مني غصب))
استخيري مرة ومرتين وثلاث والله يوفقج يالغلا
استخرت 7 مرات
وما ادري خايفة …منه …
خايفة يكون زواجه مني غصب
مشكله والله
دام انه كل شي يستوي حقه يركض يخبر امه هذي ترااااااها وايد صعبه ومشكله عووده
باجر بيخبرها اسراركم وكل شي يعني خصوصية ماشي
والمشكله الثانيه التدخين
والله حتى هذي مشكله ولا تتهاونييين فيها اختي باجر عياالج بيتاذوون وبيمرضوون اذا ما وقف
اختي انا لوو كنت مكااانج ما بوافق ابدا
لكن اختي القرار بايدج انتي وبسس ومحد له خص فقرارج هذا الا انتي
لا تخليين حد ياثر عليج
فكري زين وشوفي ردود البنات الباجيات اكيد بيفيدنج
والله يوفقج
للرفع
انزين هل من الممكن اني اغير من حياته ؟؟
نستقل في بيت بروحنا ؟؟
ما ادري والله بعدني انا عمري 21 سنة وماعرف شو بيصير
انتوا اكيد مجربات
للرفع ولو بدعوة حلوة