السلام عليكم ورحمة الله وبركاته … 
شحالكم ؟
بدخل فالموضوع على طول … أنا طالبه الطلاق و جلستي للتوجيه الاسري الاولى الاربعا الياي … وانا ما اعرف شي موووووول عن هالسوالف .. ساعدووني بليز واايد كنت متلعوزة ويا ريلي و اهله لكن الحمدلله ما حملت منه … و احس المووضوع بيكون ف مصلحتي بس ما اعرف كيف ابدا والا كيف اتكون شخصيتي و طريقتي ف الكلام جدام الموجه … واخاف اطوول انا مابا اطوول 
ساعدوني و نصحوني .. اترياكم
انتي بتخلعيه ولا بتخليه يطلق ؟
شوفي التوجيه يمكن الموضوع بسيط الا ما تصير مشاكل اول سنين زواج لكن يبالج صبر
اذا تبين بيت خاص وهو حل مشكلتج خبريهم يمكن توصلون لحل
عيني خير وقومي استخيري على الطلاق وتوكلي على الله
اما الاشياء الثانية يعتمد اذا خلعتيه او طلقج
هيه حبيبتي طلاق للضرر بطلب بس خايفه و اول مره ادخل محاكم 💔
اختي انتي تووج عروس .. استهدي بربج .. الافضل تقعدون قعدة مع كبار السن في العايلة وبدون عصبية وتعنت وصريخ وخلي عنج دلع البنات لأنج حرمة الحين وهو خل ينصحونه يودر الطيش لأنه ريال عنده اسره .. قعدوا قعدة اسرية وتفاهموا ..
هم بيعطونكم اول شي فترة للصلح و ان شاء الله ربي يكتبلكم اللي فيه الخير
وترا اول سنة واااايد تستوي مشاكل ف بيت اهل الزوج بحكم انج يديدة و غريبة بينهم .. لو تحسين ريلج زين و يخاف الله اصبري وان شاء الله أطلعته بيت روحكم
المشاركة الأصلية كتبت بواسطة احتاجك.. 
وترا اول سنة واااايد تستوي مشاكل ف بيت اهل الزوج بحكم انج يديدة و غريبة بينهم .. لو تحسين ريلج زين و يخاف الله اصبري وان شاء الله أطلعته بيت روحكم
اذا الريال فيه ذره خوف من الله
تمسكي فيه
الزمن يخوف
والطلاق شي مب هين
دوري حلول قبل الطلاق
الله يوفقج