السلام عليكم
شحالكن خواتي
والله من الهم ماعرف افضفض حق منو حبيت انكم تساندوني لو بدعاء لانه صدق محتاجه حق الدعاء
بقولكم المشكله بختصار انا امي وابوي منفصلين ونحن ابوي حارمنا من امي ونحن نعرف انه ابوي غلطان بس ما باليد حليله وامي ساكنه روحها وماعندها حد المهم هاي السالفه اتحملتها وسكت بس احينه والله احس ابوي معذبنا انا احب ابوي بس هو ليش جي يسوي ماعرف ليش فرقنا عن اخواني اذا غلطو غلط بسيط يروغهم من البيت انا عندي اخوان اكبر مني من الابو وهم عايشين ف بيتنا من صغرنا وياهم والله احسهم اخواني من الام والابو وكلهم معرسين واحينه باقي اخواني الصغار والله يوم اشوف ابوي يعصب ع اخواني قلبي يتقطع عليهم احس انا المسووله عنهم والله تعبت ماعاد فيني اتحمل وابوي كبير ف السن وما اروم اشكي حق امي لانها بتشل همنا وهي روحها الهم مرضها ماباها اتشوف دموعي اباها اتحس ان نحن مرتاحين والله اني دوم استغفر واحينه الحمدالله كملت اربعين يوم من قراءه سوره البقرة وان شاء الله بكمل ومرات اصلي قيام الليل . انا والله ما ابا شي غير اني اشوف اخواني حوالي والله حتى لو اتم مهمومه بس اهلي يكونون فرحانين عادي عندي احس مالي سند ف هالدنيا الله يلم شملنا والله يهدي ابوي هو الله طيب بس ما اعرف شو ايه مرات خلاااااااااااااااااااااااااااااااااص تعبت من كثر ما دموعي تنزل وانا اعرف انه الله يختبرنا الله كريم يارب
والسموحه
الله يعينج حبيبتي وان شاء الله ايامج اليايه بتكون كلها فرح وسعاده والله سبحانه وتعالى بيعوضج خير على صبرج وحبج لاهلج حلو ان الانسان يعطي ومايتريا انه ياخذ ليش ماتستاذنين من ابوج انج تروحين عند امج كم يوم وطبعا من غير ماتشتكين لها بس تكونين وياها احس انج بترتاحين الله يوفقج الغاليه
المشاركة الأصلية كتبت بواسطة رحلة الحب 
المشكله انه مايطيع واذا انسير لها يوم واحد ف الاسبوع و3 ساعات بس
مشكوره اختي
الله ييسر اموركم
ويهدي شيبتكم ويلم شملكم
استمري بالاستغفار والدعاء
وقيام الليل في الثلث الاخير
المشاركة الأصلية كتبت بواسطة رحلة الحب هدي سرج…كثرة الدموع يشل التفكير
والله يسهل امورج..ويهدي ابوج
وياحي يا قيوم سهل امر اختنا خطيرة الملامح
وعسى ان تكرهوا شيءا وهو خير لكم…
استمري من القرايه والاستغفار..ولا يأس مع الحياه
ولابد من ليل ينجلي..والفرج قريب بس ماعلينا غير الصبر
الله يفرجهااا عليج ويلم شملكم يااارب
وتأكدي إن الله إذا أحب عبدا ابتلاه وهذا اختبار وان شاء الله مايصير الا كل خيييير