السلام عليكم ورحمة الله وبركاته
شحااااااااالكم.؟
آآآآآه خففوا عني وعطوني أمل الله يخليكم..
انا معرسه من سنه وكمن شهر والحمدلله الحمدلله حياتي الزوجيه مافي أحلى منها..انا وزوجي متفاهميييين وكل واحد راضي بالثاني واذا صارت مشاكل بينا تكون مشاكل عاديه سخيفه يعني ما تكمل نص يوم حتى ونرد ولا جنه في شي..وحتى لو انا غلطانه اتنازل وهو نفس الشي واذا كنت معصبه وغلطت عليه مثلا يسكت عني ويهديني ويقوولي ما بنخلي هالسوالف تسوي حساسيه امبينا وجذه..
حملت ومن 3 شهور مربيه!! اهني المشكله!!!!
من ربيت وانا احس المشاكل زادت امبينا..صرت حسااااااااسه بشكل فظيييع على اي شي بمد البوووز وبزعل وبسووي سالفه وهو دوم يحاول يهديني كالعاده بس انفجر عليه زياااده اقوووله لا اتم بهالبروووود يوم بكون معصبه!! يقووولي تبيني اعصب وتكبر المشكله على سالفه ما تسوى!!
انا ما كنت جي والله..قبل لو كنت مضايقه من شي عادي اخليه في خاطري بس الحين لا كل كمن يوم انطحن على شي موول مب عايبني اللي يسووويه..مع ان قبل عادي
يعني يوم يطلع ويا ربعه اعصب وازعل وما اسوويله سالفه!! مع ان قبل يوم يطلع ما اسوي هالسالفه كلها!!
قام ينرفزني وانا انرفزه..يعني جنها شغله عناد!! انا اعاند وهو يعاند..احس حياتنا ابدا مش طبيعيه نفس قبل..
آخر سالفه استوت صدق صدق انفجررت وقلت كلام اول مره اقووله!!
انا وريلي من اشد المعارضين للبلاك بيري ودوم كنا نطنز على اللي عندهم خاصه خواته مثلا واخوانه..وربعه دوم كانوا يقولوله لين متى يعني بتم جي ما بتاخذ!! يقووولهم كيفي انا هالشي مستحيل اخذه
يعني هو يشجعني اني ما اخذه وانا نفس الشي..ودوم اقص عليه اقووله خلاص بخذ بلاك بيري..يقوولي استسلمتي خلاص؟؟ اقووله لا اسوولف صدقت انت وجي يعني!!
هو يروح الداوم يتم هناك 10 ايام وعقب ينزل اسبووع!!
امس الصبح انا كنت في الداوم وهو كان بيروح الداوم بس انا طلعت قبله!!
المهم دقلي وهو طالع قالي خلاص انا استسلمت رايح اخذ بلاك بيري!! ضحكت انا ع بالي نفس كل مره يوم نسوولف!! قلتله ههههه يلا روح خذ!!
قالي والله ما اقص عليج!!! انصدمت!! قلتله ماشي ما تاخذه!! قالي بس بتسلى فيه في الدوام ويا ربعي يوم بكون ملان!! وتميييت اقووله لا وهو يقوولي خلاص عاد السالفه ما تسوى شو فيها لو خذت؟؟؟؟ لا والله شو اللي غيرك؟؟يقوولي ماشي قلتلج بس من الملل..سكرت عنه والله حتى دموعي نزلن وانا في الدوام
تميييينا طول اليوم بس بالمسجات انطحن عليييييه..وهو يقوولي اوعدج اني من اكون عندج بفره جدامج واوعدج اني ما استخدمه بشكل سلبي!!
قلتله حتى ولو انا فكرة ان عندك بلاك بيري مب متقبلتنها..وبتم احن!! عصب هووو وقالي طفرتيبي ما يسوى عليه
المهم ليييييين اليوم ونحنا بس ماشي غير ضرابه على هالموضوع..مقهووووووووووره قلبي يعورني 
شو اسووووي؟؟ لا تقولولي خليه برايه!! بتم احن لين يبيعه..
السمووووحه طولت عليكم =(
خلاص حبيبتي خليه دام انه يسوي الشي من جدامج ولا انه يغلط من وراج ،، ودام انه وعدج خلاص ثقي فيه حبيبتي
ولا تعقدين السالفه
ولا تنسين ان كل ممنوع مرغوب
الله يهديكم ويعينكم ان شاء الله
انا واثقه فيه والله بس المشكله اني مااقدر..
مااقدر اتقبل هالشي..خاصه يوم اتذكر التناقض في رمسته يوم كان يقووول مستحيييل ياخذه والحين مره وحده سار وخذاه
تسلمين الغاليه على ردج
المشاركة الأصلية كتبت بواسطة انثى بس غير 
آمييييييييين يارب
يالله ياختي ..
هاي الضرابه كلها عشان بلاك بيري ؟!!!
انتو ليش ماخذين فكره عن البلاك بيري !!
حياتي البلاك بيري فيه بن كود .. وريلج مابيسولف ويا حد الا اذا هوه عطاهم البنك كود ماله ..
وسوالهم اضافه .. ومحد بيي يخمن البن كود مالج وبيضيفج سواء بنات والا شباب ..
يعني اللي وياج ف اللسته معرفه شخصيه ..
والاتصالات ماقصرت حظرت المواقع الخايسه ..
شوه بعد فيه البلاك بيري تحنين عليه ..
لو انا منج باخذ لي واحد بعد .. وبتم ارمسه فيه طول ال 10 ايام اللي في الدوام ..
لانه اسهل من الرسايل .. شرات المسن .. كشخه بسولف وبطرشله صور وسوالف ..
وبعدين سالفه عقب الربى .. انتي تعرفين طبعا انه في اكتئاب مابعد الولاده ..والهرمونات كلها متخربطه ..
عشان جي مزاجج متعكر ومستويه حساسه وايد .. بس بعد مرت 3 اشهور بسج من الدلع ..
لا تسوين جي و اطفرين الريال .. تري الرياييل مايعرفون شوه يعني الهرمونات متخربطه ..
ومايقدرون ولا يفهمون .. فانتي حاولي تتاقلمين وتشغلين عمرج .. وخلج فرفوشه واهم شي لاتضغطين عمرج ..
لانج لو مضغوطه بتظهرين حرتج فيه .. خذي كل الامور برواقه مثل مايقولون .. وعطي كل حد حقه ..
سواء البيبي .. او ابو البيبي .. حليله كفايه بعيد عنج 10 ايام وبعد يوم يرد تعيشينه في ضرابه وويع راس ..
بيطفر مب زين …
ادري خربطت وايد بس ماباج ادمرين حياتج بايدج ..
الله يصلح من شانكم ويسعدكم ..
صراحة ماعرف شو اقولج الغالية
يعني حاولي تهدين شوي ترا كثر المشاكل والحنة فوق راس الريال بتخليه يمل ويعصب ويمكن يطفش
يعني من اللي قريته ان انتوا الحمدلله من احسن ما يكون مع بعض وانه يحبج وما يزعلج
حاولي انتي تهدين شوي وبينج وبين نفسج شوفي شو اللي غيرج او شو اللي استوا وخلاج تتغيرين
هل المشكلة منج انتي او شفتي شي من ريلج خلاج تتغيرين ؟؟؟؟
هاتي ورقة وقلم وحطي الايجابيات والسلبيات ف حياتكم
وحاولي تتناقشين معاه عن التغير اللي صار لكم او عن الشغلات اللي مضايقتج
لان كثر الحنة والضرابة ما راح تحل شي الا بتزيد المشاكل
اتمنى اني قدرت افيدج بشي
والله يهديكم ويخليكم لبعض ويبعد عنكم المشاكل ^_^