هلا والله بالكروشات شخباركم ويا الحمل
فديتكم شو رايكم انسوي هالتجمع نعرض فيه صور الاغراض اللي نشتريها للبيبي واغراض النفاس وجلابيات النفاس
واسما المحلات واالاماكن عل وعسى انساعد بعض ونتشاور ف نفس الوقت وطبعا هذا كله مابيروح هباءا منثورا بالعكس ف ميزن حسناتكم لان في خوات خصوصا اول حمل لهن ما ايعرفون شو هي مستلزمات البيبي والنفاس ف شورايكم ياحلوت والكل بيستفيد…
هلا والله بخير الحمدالله م صوبج الغالية
اوكي والله فكرة حلوة عشان كل وحدة تستفيد من الثانية
انا خذيت كم بدلة من بيبي شوب بس خخخخ بعدني مشوار طويل شوي جدامي كل ما اطلع اشتري شي وطبعا لا تنسون كروشاات 1 و 2 و 3 بيكون شتا وبالذات اللي موعد ولادتهم 1 مثلي انا لازم تاخذون شي شتوي عشان البيبي ما يتحمل البرودة وما يمرض لا سمح الله وحتى حق المفاس فصلو الاشياء الشتوية لان الوالدة في فترة النفاس تصيبها حمى لاسمح الله تسمى حمى الفاس وهاي وايد صعبة حسب ما سمعت ف كل وحدة تدفي عمرها وتدفي البيبي مالها وبس ادري اقرقر وايد بس كله لمصلحتكم
مبروكين ع التجمع اليديد ..
والله يسهل علينا وعليكم اجمعين ..
اناا عن نفسي ها الشهر خليته بس حق ملابس البيبي .. وتقريبا خلصت وكلهن من بيبي شوب بحاول انزل الصور .. وبعض الاغراض اختي خذتهن لي من الشارجه فديتها .. وفي بعض الاغراض امايه بتيبهن لي من امريكا الله يرجعها بالسلامه ..
وانا مقسمه نفسي .. الشهر هذا حق البيبي من ملابس .. والشهر الياي حقي انا من ملابس وغيره .. والشهر الي بعده حق اغراض الجمعيه .. عسب ما اضغط ع نفسي وعلى ريلي ..
وبحاول انزل لكم الصور لاني ماعرف انزلهن والي تعرف تخبرني بنزلهن الحين
هلا بج زود الغاليه …
انا بولد في شهر 3 ان شالله .. وقلت ان شالله بعد العيد بزهب اغراض البيبي … لاني احس بتعب ومالي خلق للسوق حتى اغراض العيد لعيالي خليت خواتي يجهزونهن ..
صدقج عروس 2024 .. انا في بنتي يتني حمى وتلعوزت وايد وكنت والده بقيصريه .. في ولدي الحمدلله كانت الامور طيبه حتى بالحمل ماحسيت بتعب الحمدلله
بس هالحمل وايد تعبت فيه .. الا حمى وزجام ولوز .. عاد الحمى حدث ولا حرج مرتين يتني وانا حامل ..
الله يسهل علينا الولاده ان شالله ..
انا موعدي في شهر 3 باذن الله ب موول ما اشتريت شي
احس انه بعده وقت على المشترى..
يسلموووووووووووو حزينه الدار
انا عن نفسي لحد الحين ما اشتريت شئ للنوونو تو النااااس
ان شاء الله لنا لقاء أخر يوم بشترى أكيد بخبركم
انا اصلا محتارة ولا اعرف من وين اخذ لي انا و شو اخذ اصلا ممكن تفيدوني وتحطون صور لو ممكن عشان نستفيد