مرحبا الغاليات
سؤال للمعرسات أكيد يوم تزهبتي حق عرسج شريتي وايد خلاقين وبعدين تحسفتي وقلتي ليتني ما شريت كل هالأشياء
الحين صلب الموضوع يا ليت كل وحده تكتب لنا تقديرياً كم شرت من كل شي:
قمصان نوم مغرية
ملابس داخلية
بجايم قطنية
ملابس دلع للبيت
سلبرز
جلابيات
فساتين سهرة
عبي
فساتين استقبال الضيوف
شنط
نعول
وهل يا ترى شفتي انه اللي شريتيه كان زايد عن حاجتج أو أوكي أو ناقص ؟؟؟؟ مع ذكر ظروف زواجك يعني بتعرسين وبتعيشين مع أهل ريلج أو بروحج لأنه أكيد طريقة اللبس وقتها تفرق
يا ليت نحصل تفاعل لأنه الموضوع بيفيد وايد البنات اللي يالسين يتزهبن
موضوع واااااااااااو
وان شاء الله تحصلين تفاعل من الخوات
مشكوره الغالية
فالانتظار 
موضوع حلو
في اشيا تعتمد عليج
مثلا الشنط والنعل انا لو عرست بأخذ شنطتين وحدة بشتريها ووحدة بخلي أختي ولا ربعي ياخذولي هدية لان الشنطة بتكون بين ٨٠٠٠ و ١٦٠٠٠ مثلا لان انا متعودة أشل جي
اما لو عادي أخذ من ماركات أرخص والشي جدااااا عادي وبراااااحتج تقدرين تاخذين ٥ مثلا
النعل تحتاجين كعب اسود وذهبي وفلاتين مثلا ونعال لونه غريب
البجايم ١٠ غير قمصان النوم ولما بتسافرين عقب وتعرفين ذوقه بتشترين بعد
في اشيا مهمة
هل تروحين الكلية او هل اداومين هالاشيا تأثر على عدد العبي وهيك
اتريا راي باجي البنات عسب اعرف الي خذته وايد ولا شويه هههههه
انا مااشتريت وايد يعني القطع تقريبا مال 6حق المخاوير وقمصان النوم تقريبا نفس الشي6 لاني اكيد بشتري غيرهن عقب والنعل تقريبا 3 وملابس داخليه حوالي 6 وجذه وطبعا مالبستهم وايد لاني عقب ماعرست بشهر حملت