هلا حبيبتي
بخبرج عن تجربتي
انا و زوجي معرسين من اربع اسنين و لين الحين ما صار حمل و الحمدالله و السبب ان زوجي عنده قله في الحيوانات المنوية والاسباب واااااااااايد.
طبعا سرت وااايد اماكن ما احب اذكرها وعالجنا نحن الاثنين.
بس اللي بذكرلج اياه ان مستشفى الاخصائيين الطبي شخصو حالته بأنه عنده دوالي بحجم كبير وانه لازم يسوي العملية في اقرب وقت.
سواها عندهم وتم 6 شهور يراجع وياخذ العلاج و في الاخير قالوله من الله انته ما فيك عيال ارضو بكتبة رب العالمين والحمدالله رضينا بقسمة الله لان العدد ما كان يزيد عن المليون يعني بالعربي علاجهم ما نفعه بالعكس ضره و سواله ردة فعل عكسي.
و قبل اربع شهور اربيعتي وااايد مدحت لي السامرائي و اتقول انتو ما خليتو مكان ما سرتوله جربوه لانه مش دكتور هذا بروفيسود يعني اشطر.
توكلنا على الله و سرنا له مواعيد صعبه و الانتظار اصعب لكن لاجل الضنا كل شي يهون.
سواله فحوصات من كل النواحي.
وطلعت النتيجة انه عنده دوالي في اليمين و اليسار مع العلم الاخصائيين الطبي قالوله راح.
وبعد طلع عنده جرثومة بكتيرية في البروستاتا و هرمون FSH عالي و الدوره الدموية في الخصى ضعيفة.
وبعد طلع عنده جرثومة بكتيرية في البروستاتا و هرمون FSH عالي و الدوره الدموية في الخصى ضعيفة.
هاذي النتايج كلها في جلسة وحدة وبعدين عطانا كورس العلاج متجدد ل ثلاث شهور متواصلة مع مراجعة في الشهر مرتين لمراقبة الحالة. والحين نحن في الشهر الثالث من العلاج واخر شهر اكتوبر بيرجع ايسويله التحاليل من اول و يديد عشان انشوف الفرق.
واللي ببشرج فيه ان الدوره الدموية اتحسنت بنسبة 75% في الخصية اليمني و 45% في اليسار و هرمون FSH بدا ينزل والبكتيريا بدت تخف و انشالله خير انا متوكلة على رب العالمين.
والشي الطيب فيه انه يتعامل مع مختبر ألماني و استرالي.
والحين بخبرج عن التكاليف.
اول زيارة مع التحاليل الشاملة عند البروفيسور كلفتنا 3500 درهم. والدواء 2024 درهم.
الزيارة الثانية مع بعض التحاليل 1600 والدوا . لانه نفس الكورس
الزيارة الثالثة نفس الثانية.
اول زيارة مع التحاليل الشاملة عند البروفيسور كلفتنا 3500 درهم. والدواء 2024 درهم.
الزيارة الثانية مع بعض التحاليل 1600 والدوا . لانه نفس الكورس
الزيارة الثالثة نفس الثانية.
الزيارة الرابعه بنعيد التحاليل و اتوقع نفس الكوست للزيارة الاولى.
و اهم شي اتوكلو على الله
واذا بغيتي اي استفسار انا حاضرة لاني حاسة بشعور كل وحدة فخاطرها تكون ام في يوم من الايام.
ربي لا تذرني فردا وانت خير الوارثين.
فديتكم ادعولي بأن الله يشفي زوجي و يرزقني بالذرية الصالحة
أم سيف معلومات رائعة يعطيج العافية وان شاء الله كل الأخوات يستفيدون ..
وربي ان شاء الله يرزقنا آجمعين اللهم آمين 
الله يرزقج في القريب العاجل يااارب
الله يشفي ريلج ويرزقج الذرية الصالحة يارب
الله يشفي زوجج ويرزقكم بالذريه الصالحه
الله يشفي زوجج ويرزقج بالذريه الصالحه قادر كريم
المشاركة الأصلية كتبت بواسطة nano1984 
أم سيف معلومات رائعة يعطيج العافية وان شاء الله كل الأخوات يستفيدون ..
وربي ان شاء الله يرزقنا آجمعين اللهم آمين
وربي ان شاء الله يرزقنا آجمعين اللهم آمين
مرورج الاروع و انا في الخدمة حبيبتي