السلام عليكم ورحمة الله وبركاته
بنات انا اعاني من الصداع النصفي وصارلي فتره طويله اعاني منه ياليت اللي عندها حل او تعرف دكتور متخصص في المخ والاعصاب ويعالج الصداع النصفي تسعفني فيــــــه يزاكم الله كل خير
اختي انا اعاني من الصداع النصفي الي اثر على حياتي سلبيا انصحج بعد تجربه انج تسوين الحجامه انا سويتها في مركز الرحمه الصيني . بالنسبة للادويه انا استخدم naramig فيه حبتين على خمسة وثلاثين درهم هذا وايد يرحني سواء بدت النوبه او قبل بدايتها . ودوا ثاني اسمه relpaxهذا فيه ثلاث حبات على تسعة وثمانين لكن هذا مفعوله لازم تاخذينه قبل بداية النوبه . اتمنى لج الشفاء والعافيه
الله يشفيج غناتي
الله يشافي كل مريض إن شاء الله
,,,
اللهم انت ربي لا إله إلا أنت، خلقتني وأنا عبدك وأنا على عهدك ووعدك ما استطعت،أعوذ بك من شر ما صنعت، أبوء لك بنعمتك عليّ وأبوء بذنبي فاغفر لي فإنه لا يغفر الذنوب إلا انت
جزاك الله خير
الله يحفظكم خواتي 00 ويبعد عنكم كل اذى ان شاءالله فعلا وايد نصحوني بالحجامه
إختي مبدعه الإمارات أنا عندي طريقه ماخذتنها من بروفسور ألماني كانت وحده من ييراني تتعالج عن الصداع النصفي وقلتلها أنا بعد فيني صداع نصفي قالتلي هالطريقه من دون دوا أو أي شي لازم إتييبين كيسه نايلون مال الدكان وتنفخين فيها عشر نفخات وعقب تريحين وتردين مره ثانيه تنفخين عشر مرات وتريحين بتحسين بدوخه شوي وراسج متبنج وصدقيني عقب بخف عنج الصداع وبكون تقريبا كل شهر إييج صداع خفيف وتريدن تستمرين على هالطريقه لين مايخف عنج نهاءيا وصدقيني بخف أنا الحمدلله خف واااايد عن قبل وصرت أحسن