طبعا نحنا كلنا عارفين الاثر الحلوا للهدية ولما حد تجيه هدية حتى لو كانت بسيطة تفرحه وايد
المالجات هلى فى يوم هديتى حماتك (ام زوجك)واش هيا كانت الهدية ؟
المتزوجات هل فى فترة الملجة هديتى ام زوجك واش كانت الهدية وهل تهدينها حتى بعد الزواج ؟
ياريت الكل يشارك ويقول لنا رايه فى الموضوع ويقترح اش الهدايا الى اهداها والى ممكن يهديها
انا فى انتضاركم مشكورات حبايبى
والله انا ملقووووفة…
بس اللي اشوفة انه حرمت اخوي بعمرهآ مآيآبت لأمي شي.. امي هيه اللي اتيب لهآ…
بس ع فكرة امي مانقدت ولاقالت شي.. انا قلت عافان الله هالحرمة بعمرها ماهدتج شي؟
واتخيلي انه البشكارة اللي عند بيت اخويه .. قالت المفروض مدام اتيب لماما شي يوم العيد
عيل تودي بيت اهلها كيف ما اتيب لام ريلها!!!!!!!!!!
سبحآن الله..
عسب جي الهدية لها اثر.. تهادوا تحابوااا.. وصدقيني ام ريلج بتحس انج ذاكرتنها
بغض النظر عن الهدية شو كانت او بكم….^^
… سويلهاا مخووورات.. يعيبهن الحريم.. خاصة لو كانت كبيرة شوويبالعمر..
او اشتريلهااا خاتم ذهب…
او اطقم صحون حق البيت.. او دلال..
هالسوالف الخاصه بالحريم^^
والمعرسات بيفيدونج اكثر
للــرفــع
انا مالجه والحين يالسه اسوي الهديه
هي عباره عن عطور عربيه ودخون وقطع
الحرمه اللي تبيع الدخون والعطور بتغلفلي العطور
والدخون بشكل حلو وان شاء الله يعيب العمه 
مممم الصراحة ما اهديت لخالتي شي يوم الملجة ماكنت ادري انه يهدون لهم شي معين .!!
بعدين عرفت .. فيوم الام اهديتها باقة ورد مع عود معتق من العربية للعود والعطور ..
بالتوفيج حبوبه
:
أمممم
انا من عرّست تقريباَ 10 شهور . .
وافكّر اهديها فالعيد شنطه ماركـه وامي بعد
D=
تسلمون حبايبى وين اراء الباقيين يلا خليكم ناشطين ولا تبخلوا عننا بمعلوماتكم