لحم الجمل له فوائد كثيره بس هل له فوائد للحامل؟
أفيدووووووووونا
وعليج السلام امي تقون لحم الجمال يخلي الحامل اطول في الحمل يعني تخلص التاسع وازياده ومب زين
على قوله العيايز اللي عندنا يقولون الحامل مب زين تاكل لحم الجمال لانه يطول في فترة ولادتها..
والله اعلم
عمتي تقول انه الحامل تكمل الين العاشر يوم تاكل لحم،،
بس طبعا نحن مب متأكدين من الكلام
اقولج مثل خواتي يخلي الحامل اطول للعاشر وهذا الكلام صدج ونحن شفنا حالات وااايد
انا بعد اسمع دايما من ابويا وامايا وكل الكبار في السن ان لحم الجمال مب زين للحامل
يكبر الياهل في البطن ويخلي فترة الحمل اطول وعادي ماتربي لو وصلت العاشر
اعرف ووحدة من ربعي كانت حامل وطولت بحملها وقرروا يسوولها طلق صناعي
فسالتها انتي تاكلين لحم جمال
قالت ايه والله مرة كنا معزومين عند معارفنا مصريين وكلت عندهم لحم جمال من دون مااعرف
وهم بعد مايعرفون ان الحامل مب زين تاكل لحم جمال
واللــــه يقوولون
مع أني كليت مره وأنا حااامل,,, اللـــه يستر بس
إتـــريوني ليما أربي إذا طولت يعنــي صح المعـــلومه,,,, لووووول