انا تعبانة من الجيوب وايد وما اجدر اتنفس طبيعى اذا ما ستعملت بخاخ الانف وقرر دكتور اتعالجت عنده انه يسويلى عملية مع العلم انه مسولى نفس العملية من سنه وعلى كلامة ما برجع لحالتى القبلية والحين رجعت الحاله نفس قبل وطبعا ما حسيت الدكتور انه مهتم على طول عملية طبعا قبل سنه سوالى العملية 1500 الحين 5000 شوفو الفرق انا مش هامتنى الفلوس بس مقهوره احسه قرر عملية بدون ما يعطينى علاج ولا حتى شاف عندي التهاب ثانى ولا لا ونصحوني حد من الخوات في المنتدي جزاهم الله الف خير بدكتور مازن في المركز الطبي وتصلت طبعا قالو اتري لين ماهم يتصلون يعطونى موعد مذله وانا واااااااااااااايد تعبانة وتصلت مرة ثانية عشان الموعد صراحة سخافة في المعاملة ولا رضوا يحولونى على الدكتور اكلمة وعقب ما تشاتمت معاها عطتنى رقم اونه رقم الدكتور اتصل ويسكرون التيلفون اي دكتور هذا يتعامل بهذه الطريقة واي مركز ما فيه مسؤل ولا حد ثانى تتكلمين معاه غير وحده خاقة بعمرها والله قهر يوم استوا الوافد الكل في الكل والمواطن تحت رحمتة لانه لازم في فرق في المعاملة للوافد معرفة واسطة – اقول حد يدلنى على دكتور فيه خيره غير هذا المركز ايلى مايستاهل اي احترام الصراحة
والله حبيبتي انا وديت ولدي عند دكتور حسين لوتاه
عنده عياده خاصه في حمر عين وبعد يشتغل في مستشفى دبي
ولدي عنده حساسيه في خشمه سألناه شو الحل النهائي قال ما انصحكم بالعمليه لانه مدتها سنه وبترجع له
نفس الحاله // فعطانا ادويه قال هاي بتريحه كم شهر ولو ردت له ردوه وجذه
الحمد لله من عقب رمضان استخدم الدوا ولين الحين ما ردت له
والله يعافيج
ما تشوفين شر هذا اولا
وثانيا عليك بالاستخاره صليها لمدة 3 ايام ترى كثير كثير مفيدة
لانك بتكونين قاعده تستشيرين ربك واكيد هو ادرى بمصلحتك
وما فيها شي ان الوحده تستخير و تستشير
والله يشفيك يا الغاليه 00
الله يعافيج ويشافيج
مشكورات خواتى النوفية و هند الظاهري و قصص جزاكم الله الف خير وخت قصص انا فعلا تعبت وزهقت انا اعاني من زمان من هذه الحساسية وفعلا ما رتحت ايلى بعد العملية بس نفس ما قلتى سنة وفي ايى لحظة ترجع ريمه لعادتها الجديمة اوكية اختى ممكن تفيدينى بمعلومات عن هذا الدكتور اسم عيادة وبخصوص ولدج الله يعافية ويشافية لين اليوم ياخذ الدواء ولا فترة والحين احسن 