لحقنا لعند باب البيت::: وريلي نفذ عليه الحكم::::

بنات هذي السالفه مستويه البارحه لما رحت أنا واختي الكبيره السوق وكنا سايرين طبعاً مع الدريويل باعتبار ان ولا وحده فينا عندها ليسن ,, أوكي
اتسوقنا والحمد لله ما اتعرضنا لشي طول ما كنا في السوق وطبعاً نحن حديثات في النقاب يعني أنا واختي اتفقنا نلبس النقاب من فترة شهر تقريباً بسبب المواقف اللي صارت لنا كل ما ظهرنا برواحنا ولما ركبنا السياره عسب خلاص نرجع البيت مرت حذالنا سيارة استيشن بيضا وكان صاحبها يطالع داخل السياره واللي زاد الطين بله ان الدريول شال المخفي حضرته ولا ما كنا بنتبهدل كل هذي البهدله :::: المووووووهيم وصلنا عند اشاره ووقف الأخ حذالنا وفتح الجامه وقعد يصارخ ويبغي الرقم ومن هذا الكلام والله حسيت ان قلبي كان يدق بسرعه وان كل الناس عرفوني مع اني أنا واختي كنا مطنشين ولا كأنا حد يكلمنا بس المسافه مطوله يعني من السوق للبيت ثلث ساعه تقريباً كيف نقدر نتحمله وكان يخربط وايد ويهدد دريولنا ويقوله لو ما فتحت الجامه الورانيه قصده اللي صوبي أونه شو بينزل وبيكسرها والله شكيت ان الحبيب شارب شي مش صاحي وقاعد يقول لي بطلي النقاب وساعات يقول لأختي (الله يخليج اقنعيها تعطيني رقمها) واختي ماشاء الله عليها صايره مثل التمثال ههههه لا تصد لا يمين ولا يسار ولا كأن في شي .. ولما صرنا قريبين من البيت كان يمشي بعد ورانا ويضرب full light وخلانا متوترين وهو الصراحه نحن اتعرضنا للترقيم والكلام والسوالف الباجيه من ملاحق وغيره لكن هذي المره قويه الصراحه لاحقنا لعند باب البيت ؟؟؟؟صدق انه ما يستحي ؟؟؟

هلا اختي
لو خذتي رقم السياره احسن على الاقل ريلك بيتصرف وياه
وها الشاب المتهور بيحس ان بنات الناس مب لعبه وان ريايييل وراهم
الله يهديهم بس

الله يستر عليكم ……….. بس مب حرام تسيرون بلا محرم..؟ كيف جيه تسيرون بدون ريال او ع الاقل واحد من الاولاد الصغاريه؟

وانتو من الشطارة على طول سرتوا البيت

والسالفة حارة توها لا تستعجلين

صارت لي بس كنت رادة من الدوام وانا الحمدلله اسوق روحي لحقني لباب البيت مع اني تميت احوط ساعة احاول اضيعة بس ما قدرت !!!!!
يومها صحت في السيارة والله ستر ………..

الحمد لله على السلامه اختي وانتبهي لعمرك اذا صار معك ثانيه خوذي رقم السياره

ريلج يخاف عليج الله يحفظه ويخليه لكم ويومين ما تأثر لو ما طلعتي فيها إشغلي نفسج بشي مفيد