اللانجري طريقته سهلة وبسيطة … كل الي بتحتاجينه قماش ستريش … ودانتيل ستريش .. ومكينة خياطة.
أولا هاتي أي قميص نوم عندج وحطيه على ظهر القماش وحددي بالعجلة وورق الكربون الملون على القماش القصمة من ألأمام وكرري نفس الشي بالنسبة للخلف…. وقصي القماش. بعد تقدرين تستخدمين بترونات جاهز من البوردا أو ماكولس لخياطة الانجري.
ثبتي الدانتيل الستريش على أطراف القميص من فوق بالدبابيس
وخيطيهم مع بعض بالمكينة العادية
أحين ننتقل الى مكينة الأوفرلوك
نثبت القطعة الأمامية مع الخلفية من ألأطراف اليمين واليسار (على ظهر القماش) ونخيطهن مع بعض بمكينة الأوفرلوك
شذه بتطلع الخياطة نظيفة ومرتبة
نفتح مكينة الأوفرلوك ونزل المقص الي فيه لأسفل عشان ما ينقص القماش .. أحين نباها تثني وتخيط طرف القماش من أسفل مع الدانتيل في نفس الوقت …
نسكر نهاية الدانتيل بنفس الطريقة
نحط شريط مطاط على الأطراف ونخيطهن بالمكين العادية بغرزة الزجزاج بالعرض وبعدين نثبتها لين أعلى الدانتيل بخياطة عادية
والحين القميص جاهز
وإن شاء الله تعجبكم الفكرة
ماشاء الله عليج والله مبدعه
تسلم ايدج
ما شاء الله روووووعه
وتسلمين ع الشرح يالغلا ^^
ماشاء الله عليج ..
حلوو ياحلوووة 
شطوووووووووورة ماشاء الله عليج .. تخيطين وترتبين ..
مشكووورة ع الشرح
قميص سهل ومايباله شي وحلووو وبرع ينباع بمبلغ كبير!!
مبدعه الصراحه
تسلمين وما قصرتي ع الطريقه الحلوه والسهله