شحالكن خواتي ؟
اليوم عندي سالفة بسيطة متوهقه فيها و بغيت استشيركن لول
كيف بتتصرفين اذا انخطبتي خطوبة رسمية و شافوج الناس و الريال في النظرة الشرعية و رفضتي بعدين ما استوى نصيب و الناس شارينج و يتصلون اكثر عن مره
و بعد الخطوبة بـ فترة قصيرة هالناس عندهم مناسبة و مسوين عزيمة كبيرة في بيتهم و عازمينج ويا اهلج .. مع العلم انهم مب من الاهل ولا نعرفهم قبل الخطوبة بس يعرفون حد من الاهل
بتحضرين العزيمة و بتوجبين فيهم ؟ ولا مالج ويه شراتي خخخ 
يوم قلت حق اميه استحي ما بسير ماروم اجابلهم قالتلي من سواد ويهج ههههههه
صح ان كل شي قسمة و نصيب بس مادري احس فششله مستحيه منهم *_*
و المشكلة لين اليوم يبغوني حق ولدهم و الحرمه كل فتره تتصل في اميه !
شوو رايكن اسير العزيمة ولا ؟
امممم احس فشله ماتروحون
يعني الناس قدروكم ووجبوكم وعزموكم وماتروحون مب حلوه
عالاقل خلي امج بس تروح او وحده من خواتج الكبار
والريال مابيستقبلج عند الباب واهله ان ماشفتهم بعزيمتهم بتشوفينهم بمناسباات ثانيه
ورأي ثاني وافقي عالريال شكله شارييج
استخيري اكثر من مره
والله يوفقج ويقدملج الي فيه الخير
فعلاآ الافضل تسيرين ع الاقل يكون هذا آخر شي من بينكم اذاآ ماآشي نصيب ..~
احس مب حلوه ماآتسيرين ..~
يعني سيري وجبي الناآس عاآزمينكم حليلهم ..~
وربي ييسر لج امورج =)
انا اشوف تسيرين بعد
يمكن تتقربون من عايلتهم اكثر وتفهمينهم وتقتنعين
لانهم شارينج كم يسوى هالشي
وبعد احسها مب حلوه ماتسيرين يعني بالانجليزي RUDE
لو منج بقول حق امي تسير ويا حد وماله داعي أسير … والاخت الي تقول Rude !!! بلللللل ليش!! شو دخل قلة الادب في السالفه!!
شوفي انا اقول تسيرين بس مب بروحج يعني الوالده طبعا وشلي حد من خواتج وياج
المهم مب بروحج عشان ما يقولون يت هي وامها بروحهم لووووول
المهم هذا راي وفالاخير القرار لج حبوبه >>>>>اصعب قرار لوولز
شيك اوف الغني بالالياف النباتيه
