بسم الله الرحمن الرحيم 
شحالكن خوااتي .. انا بدخل بالموضووع بسرعه .. من دون مقدمات
انا ربيعه ربي يخليه لي .. من عرفت بمشكلتي اللي ماعتقد حد بيقدر يساعدني فيها لان هي الصرااحه تمت ساكته ومنصدمه وقالت ماعرف شقولج ومن هالكلام ياغير الخوات اللي بالمنتدى بيساعدنج ومابيقصرن وياج ..
المهم..
الله يسلمكم انا اكبر وحده في اخواني وخواتي .. طالبه جامعيه وابويه الله يرحمه توفى من فتره وااايد قريبه ..
امممم
يوم في ثاني ثانوي تقدمولي 2 وامي رفضت بسبب اني بعدني صغيره ومب مهيئه للزواج بعدني
وبعدها بسنه رجع واحد منهم تقدملي مره ثانيه ونفس شي امي اللي رفضت لانها اخر سنه لي وتباني اشد حيلي
وقتها ما كنت خايفه من الزواج لان اعرف امي مارح توافق
انا مستحيييييييييل اتزوووج ولو تزوجت مستحييييييييل اكممممل ويااه >,<
لييييييييييش انزين ؟؟
بقولكم لييش
انا وحده تعرضت للتحرش من عده اشخااص (3) مقربين لي واعرفهم !! والمشكله هاا ما اثر فيني ماعرف ليش يعني انا واايد عاديه اتعامل مع ناس واتكلم لاني فهمت اللي صار لي وانا في تاسع و وعيت ع عمري >.<
لان اميه ماكانت تفهمني وتقولي اي شئ واعتقد فاهمين اللي اقصده .. لاني اكبر وحده فما كانت توعيني لانها تستحي
امممم
وقتها كان عمري 8 سنين ومن ال8 لل 11 تقريبا وانا يتحرشون فيني هالاشخااص ينعزلون بي ف مكان بعيد .. وانا ماعرف ليش ماكنت اتكلم واقول لامي
بس اللي اذكره كنت اخاف منهم وماحب اروح لبيوتهم بس ما كان ماثر عن نفسيتي ها الشي او ع حالتي ان كانت اجتماعيه او صحيه اوغيرها
ماعرف شقوول او كييف اووصف اللي احس فييه
بـــــس
بعدها خطبوني 3 بعد وكانت امي عاادي اتقولي براحتج انتي .. وكنت طبعاا طبعاا من دوون استخاره او غيره ارفض
والحين متقدم ولي ااحد وماشالله عيله وع هله والنعم فيهم اميه مستانسه عليهم واايد وهم بعد و مستعييلين
امس متصلين ب امي يبون ردي
بس انا جيه @_@ ماعرف بشو ارد ؟؟
يالسه ارفض بس امي تحاول تقنعني ): و واايد تناقشني
انا عمي الموول عنا واليوم متصل يقوول بسج ترفضين الين متا بترفضين امج تبا تفرح بج دامج اكبر بناتها وتشووف احفادها .. متا بتفرحينها !! "
كلاام عورلي قلببببي واااااااااااااااايد
بس انا اقوول ف خاطري كييف بعرس .. ؟
والله لو بيدي ماكان رفضت من اول واااحد عسب افرح امي اللي ماقصرت وياانا ابدااا بس والله احس بموووت ..
اباااكن تساعدني شسووي
والله العظييم ثم والللله اني ما امدح نفسي ولا شي بس والله اني محافظه ع صلاتي واخاااف ربي مب نفس بنات هاليومين .. انا قايمه ب امي واخواني من كل النوااحي
بس ها السالفه اللي ما اذيتني ومب مخليتني لا ادرس ولا اكل ولا انام ..
يبوون الرد بسرعه واهلي موافقيين بس يتريوني
بلييييييييييييز لا تخلووني ولا تبخلوون عليه
وبكووون شاكره لكل وحده بتساعدني
طلبتكم داخله بالله ثم بكن
اختي توكلي على الله و الله يجدم لج اللي فيه الخير لج و انسي الماضي
لاحول ولاقوة الابالله
ان شاء الله البنات يساعدنج
اختي صلي استخارة باول واذا حسيتي عمرج مرتاحة وكلي امرج لله واتوكلي والله يوفقج ويسرلج امرج
هلا والله حبيبتي
سالفتج تعور القلب
انتي يا اختي غلطانه كان من البداية تخبرين امج عشان توقفهم عن التحرش بج ما بطول عليج بقولج فاختصار وافقي على الريال و الله يوفقج وياه بس لازم تيبين امج في صوب و تفهمينها عن السالفة كلها و تقوليلها سبب رفضج للزواج في السابق عشان توقف وياج و توديج عند الدكتورة يمكن الدكتورة تقول أن التحرش ما سبب لج أي أذى و يمكن تقول العكس وتداركين عمرج و لازم امج تكون وياج وتكون واثقة منج لأنج اذا ما سويتي هالخطوة بضيعين فهدنيا والسالفة بتم وياج للأبد فسيري انتي و امج عند الدكتورة والحين العلم تطور عادي يخلون الحرمة ترد بنت و الله يحفظج و يستر عليج يا حبيبتي
صلي الاستخارة وتوكلي على اللــه ،،
ان شالله مافيج الا العافيه ولا تحاتيين
استخيري ربج والله يستر عليييييج ان شالله
بس تنبيه لكل الامهات
حرام اللي يصير ،، التحرش في كل مكان
نبهوهم ولاتستحون ،،، لانه هالعاده دمرت بيوت وايد بنات وايد اطفال ماتوا بسبة التحرش