السلام عليكم
كيكة بيتي كروكر الشوكولاته بالفدج الجاهزه من السوبرماركت كيف اسويها؟؟؟
سويتها قبلها وما ظبطت عندي طلعت لي يابسه ومب منفوشه
وهاي صورتها
الصراحه يمكن انا ما ظبطت المقادير لا ن مكتوب عليها 41 كوب ماء يعني ربع كوب يمكن صح ولا انا غلطانه؟؟؟
بس اي كوب ما ادري يعني انا اقايس مقاديري بالكوب مال
الجبن بوك العادي الوسط يعني
بحط القياسات احسن اللي مكتوبه في العلبه جربتها وما استوت عندي زين
الماي 60 مللتر
والزيت 120 مللتر
وبيضتين
ساعدوني بليييييز ابا اسويها ضروري
اتبعي اللي مكتوب ورا بالضبط بالقياسات وو نفس قياس الصينيه
ودرجه حراره الفرن تكون مناسبه تكون صينيه بنص الفرن
ودرجه حراره البيضه بعد لازم نفس حراره الغرفه
———————————————————————————–
هذا مايكفي حبوبه الربع مكتوب عداله قياس 25 مل صح لازم يكون عندج كوب معياري تقايسين عليه
اكتبي بجوجل جي
شوكليت شيب كوكي براوني مع نوتيلا ….
بيطلع لج كيف يسوونها
ولا دقي ع الاسم
اختي اضن الماي واااحد وربع مو بس ربع
ربع كوب اللي هو الكوب المعياري .. اللي موجود عليه القياسات …
واذا ماعندج …
شوفي عالعلبه نفسها مكتوب بالمل … اعتقد 65 مل زيت … هاتي مرضعه وصبي فيها ماي لين نفس القياس
وعقب صبي الماي فكوب ثاني وشوفيه لوين يوصل ….
وعقب صبي الماي وحطي بداله الزيت … انا جي اسوي يوم مايكون عندي الكوب ^_^
ولازم تخلطين البيض والدهن اول شي ليين يفتح لونه …. ضربيه فالخلاط احسن
وعقب حطي الطحين فوقه …
والماي حطي فيه حليب بودر عشان الكيكه تكون هشه
والفرن اهم شي مايكون وايد حار ولا بارد
احين سويها وبتدعين لي …. لان هالماركه كيكاتهم وايد حلوة وهشه
أختي هذا براوني والبراوني ما يرتفع وينفش نفس الكيكة العادية
أنا ساعات أسويه ويطلع يابس بعد
بس مرة شفت في التلفزيون يقولون لازم ما نخلطها وايد
يعني تختلط المكونات مع بعضها أوقف الخلط على طول وأخبزها
لكني ما جربتها الحين، بس إن شاء المرة اليايه تضبط عندنا
