كيف بعرس وانا ماظهر من البيت ولا اشتغل

مادري كيف ابدا انا في اواخر العشرينات انا يا بنات مليت من حياتي لا زواج ولا وظيفه . كيف بعرس اصلا وانا ماسير اعراس ولا اظهر من البيت ولا حد يشوفني بتقولولي هذا مكتوب ونصيب مليت من هالجمله هل معقوله كل البنات اللي في البيت نصيبهن انهن يعنسن؟ انا وخواتي كلنا ما عرسنا عندي 4 وانا الخامسه وبعد هن اكبر مني ليش جذي؟ هل نصيبنا كلنا نحن نفس الشي وموب بس نحن اعرف ناس وايد بناتهم كلهم موب معرسات معقوله يعني النصيب هذا يكون لكل البنات في البيت؟ . ابا اشتغل بسرعه يمكن حد يشوفني ويخطبني لاني انا اصلا ماطلع من البيت ولا اروح مناسبات واعراس وعندي صديقه وحده وهي متزوجه .

مليت من الوحده والفراغ والحياة اللي عايشتنها لين متى يعني؟ مرات اقول ياليتني اجنبيه كنت بتزوج بسرعه ما بقعد في البيت واتريى النصيب والسنين تمر والعمر يطوف . كرهت كل شي صراحه .

كلما احاول انسى موضوع الزواج بعد فتره لازم اتذكره وغصبن عني اتذكره من الفراغ اللي عايشتنه .

انا الحمدلله محافظه على عباداتي وكل شي بس موب مرتاحه كرهت عمري وكرهت كل شي حتى الناس كرهتهم وموب طايقه اشوف اي حد ما عندي اصلا حماس من داخل ورغبه تساعدني اني اضحك وابتسم واحب الناس كل شي صار عادي بالنسبه حقي حتى صراحه يوم حد يموت اقول في خاطري احسن افتك من الدنيا ماقول الله يرحمه . نحن ماسكات عمارنا عن الغلط وغيرنا حياته كله غلط وعايش مرتاح . حياة ممله تافهه وما منها فايده .