كيف الواحد يكون صريح

كيف الواحد يكون صريح مع نفسه ومع الاخرين من دون احراج او وقاحة ؟

يعني مرات تمر علي مواقف مااعرف اتصرف فيها يعني مرات احس نفسي اكون محرجة ارد

او اتم ساكته ساكته بعدين انفجر بالواحد وتصير مشكلة مالها اول من اخر

او اجامل الشخص بعدين الناس اتفكر نفاق وهو مب نفاق بس مااعرف اصد الواحد بس

ومرات يكون في نقص فيني بس انحرج اقوله والناس تصير تعطيني كاش في الوجه

واذا سكتوا علي اتفاجا انهم يتكلمون من وراي فيزيد غضبي

مب نفاق بس مرات الناس حكمها ناقص عليك وانا مب النوع اقدر اصارح واقول كل شي عني مرات بس حسب الواحد

يعني مثلا وحدة تقول لي تعليم جامعتهم وهي حكومية احسن من تعليم جامعتي وهي خاصة

قلت لها ماظن وذكرت لها بعض اسماء الجامعات في الامارات معروفات

فاصرت ان جامعتها احسن بعدين قلت لها ماظن لان اكيد في طلاب زينين من جامعتنا بعد وجامعتنا معترف فيها من التعليم العالي ولها فروع برا

راحت زعلت

هي يمكن لها وجهة نظر بس !!! على فكرة هي كانت مدرسة مختبارات في جامعتنا!! بس يوم تسالينها عن خبرتها بتقول ان كنت ادرس في الجامعة(جامعتي) وكنت اعطي برمجة كنت وكنت وكنت (ماقالت مب زين)

ويوم قدمت على وزارة التربية عشان تشتغل في المدراس الحكومة رفضوا خبرتها لانهم يريدون حد عنده خبرة في المدراس لانها تربية وهذا القانون!! راحت قالت خبرت جامعتكم ماتسوى!!!!

ومرة وحدة تقول لي ان التعليم الخاص مب زين (انا من مدرسة خاصة) وانا التعليم الحكومي زين( هي من مدرسة حكومي)

قلتلها مب ضروري في مدارس خاصة زينة وفي مدراس خاصة لا

وفي مدرسين في الحكومة زينين وفي مدرسين اكيد لا

وفي النهاية الطالب واجتهادة ومتابعة ولي الامر له لان اغلب المدرسين يركزون على الشاطر رغم انه مفروض يكون العكس

وانا كنت في مدرسة خاصة فيها مدرسات زينات وفي لا

راحت زعلت لووول على فكرة هي مدرسة في مدرسة خاصة بس الحين بعد ماخذت خبرة من الخاصة درست في الحكومة!!!!

راحت مادري زعلت ولا انصدمت ولا شو بالضبط بس

ويمكن هي لها وجهت نظر بس انا لي لوووول وادافع عن نفسي

بس!