السلام عليكم ورحمة الله وبركاته
كيف الحال خواتي؟
حد يعاني من ضعف الذاكرة شراتي
يعني مثلا لو اريد اسوي سيرتش او بحث عن طريق الانترنت عن موضوع بس افتح صفحة النت ودخل على قوقل انسى عن شو اريد ادور
لو مثلا اريد احفظ رقم موبايل او بيت لازم اسجله في ورقه وقلم لاني انسى بسرعه خاصة لو كان رقم مب مميز
مااذكر دوم الاشياء الي تنقال لي وجي
خاصة الارقام
اعرف اني كنت اعاني من ضغوطات بس خفت الحين ولكن المشكلة ماخفت يعني
ممكن انسى وين حاطه الموبايل او المفتاح
في ناس تقول ركزي مابتنسين لاني مب متعوده اركز وايد
مثلا انا الحمدلله الحين سريعه في الكتابه على الكيبورد ولكن خذ مني فوق الاربع سنين
عشان مااقدر احفظ بسهولة مواقع الحروف الا اذا ربطها بصورة معينه
يعني احفظ التواريخ بالكامل والارقم المميزة والنقاط وجي
بس اي شي معقد صعب علي
المشكلة ان الموضوع يتعب لاني لقيت اكثر من مرة عمل بس رفضته عشان موضوع التركيز والذاكره
اخاف تصير عندي مشاكل مثل شغلي الاول
كيف الواحد ممكن يزيد من ذاكرته قصيرة المدى ويركز
مرت علي فترة نسيت فيها اشياء كثيرة عن حياتي بسبب الضعوطات يعني حتى الطفوله نسيتها بس استرجعت ذكريات من فترة لاني ارتحت شوي
لاني مرات كنت احس نفسي بس مضغوطه يعني مب بالدنيا ومااعرف انا من ولا شو
يمكن هذي حاله نفسية
ترا من الضغط الواحد طبيعي ينسى
حتى ربيعاتي يقولن صار عندي بداية زهايمر 
مديري كان يعصب لأني كنت أنسى
فالحل المناسب الواحد يكتب
يعني لازم يكون عندج نوت بوك
ولازم تكونين مركزه عسب لا تنسين وين تحطين أغراضج
مشكورة اختي ماحد شراتي
انا المشكلة المسؤول الي كنت اشتغل عنده من قبل كان جي
حشى حشره يريد كل شي مخزن في راسك حتى لو رقم تلفون بيستعمله مرة وحده وخلاص
!!!!
يعني مثلا لو اقول لو سمحت دقيقة بس اكتب الرقم في النوت او الدفتر يصير زعلان ويتافف
وانا من النوع ذاكرتي تمشي بس بتمييز ودراسة لوووووول يعني لازم افكر بالشي زين بعدين احفظه
بس الحين صرت احسن شوي احاول اركز بالاشياء حولي وين ماروح يعني مااسرح وايد
بس لو في شي يزيد التركيز والذاكره يعني في ناس ذاكرتهم قويه حتى مع الضغط
على فكرة اكتشفت بخصوص الارقام اني افضل الارقام الي بالعربي او مثل مايقولون بالهندي مادري ليش الذاكره تستسيغها عندي اكثر وجي
رغم ان الارقام الانجليزي هي العربية بالاصل
وبعد النصوص الي بالانجليزي احفظها اكثر من العربي
يعني العكس ! سبحان الله
الله ييسر لك امرك..
بس احس النسيان فطره في النساء..
عشان كذا حتى في القرآن مقابل شهادة الرجل الواحد شهادة اثنتين من النساء لانهن سريعات النسيان
هلا اختي دره سعوديه
هو صحيح النسوان ينسن
بس في البعض ذاكرته قويه وجي
حتى على فكره الرياييل
اتذكر يوم كنت اشتغل كان في موظف زين يتذكر اسمه يمكن انا احسن عنه
يعني الناس قدرات
بس صح الحريم ينسن اكثر عن الرياييل
حتى امي كانت تقولي
كان عندنا طالبه تخصصت محاسبه وجي
كانت امي تستغربها تقول لي كيف حرمه تشتغل محاسبه !!
عشان تعتقد ان هذي ال اشياء للرياييل
بس في حريم شخوصهم قويه