كيف البنت تكون ثقيله

بنات ابا اعرف كيف البنت تكون ثقيله ف كل شي يعني اختي يوم كانت مخطوبه اذا حد يمدح خطيبها والا يرمس عنه تبتسم وتفرح وهو يقولها يوم حد بيتكلم عني كوني ثقيله لاتضحكين كيف هاي كوني ثقيله انا ابا اعرف كيف البنت تكون ثقيله

بقولج عن مثال شفته جدامي,

ربيعتي كانت انسانه تمشي سيده وامها شديده وممشيه عيالها ع صراط المستقيم

يعني ثقل ةادب مافي منه

وكانت تقول مابا اعرس

يا اليوم اللي انخطبت وملجت فيه

تخيلي شو كانت تتصرف

كل يلسه تقول ريلي قال وريلي سوى

وريلي عيونه وخشمه وصارت خفيفه وايد

حتى تصرفاتها بصراحه في اليمعه البنات مب حلوة

صارت كله ريلي وتتضحك

ومع هذا عايلتهم من النوع الريال والحرمه ما يشوفون بعض الا يوم الدخله

تموا البنات يسالونها عنه ولا يوصفون شكله ..الخ

تضحك ضحك كانها وحده مب مصدقه ..!

اوكي افرحي وربي يوفقج بس مب لهدرجه

راحت التربيه والرزانه كلها

وصارت وحده خفيفه

لدرجه بيني وبينج تمو البنات يقولون هذي مب مصدقه بتعرس

يعني حلوة الحين الناس ترمس جي عنها

عشان جي ريل اختج يباها تكون ثقيله

وما تسوي نفس هالحركات

وتكون بنت رزينه وعاقله

خير شو يعني اذا قالن حلو ولا شين

ارد الحمدلله واسكت

مب اشق الحلج الضحكه من الاذن للاذن

واقول والله فيه وفيه وعايبني كذا وكذا فيه

واضحك واسولف عادي

ترا هالشي عيب ومنقوود عند العرب

والحياء زين للبنت حتى لو كانت ويا ربيعاتها الروح بالروح

ع الاقل يكون فيه حاجز بينها وبين ربيعاتها في سوالف ريلها المستقبلي

لا تقط الخيط والمخيط جدامهن وتشقق من الضحك