في خاطري اطبخ ويكون طبخي مميز لكن احس نفسي ماعرف اضبط الشي عدل
كنت ايام الجامعه اسوي الشربه واسوي الصالونه والعيش
لكن الحين نسيت حتى العيش كيف يتم نثر 
شجعوني اطبخ يالسيدات الامارات الحلوات
انا كنت أخس عنج حتى العيش ماعرف أسويه بس قمت آخذ الوصفات من النت واللي أكيد مجربه ويمدحونها وأسويها بحذافيرها وطبعا أطعمها عسب أعرف شو أزيد وشو أنقص على ذوقي لانه اخرتها انا باكلها لول
وبتتعلمين بسرعه ان شاءالله لانه صدق متعه
حتى أنا كنت مثلج قبل لا أعرس بس سبحان الله عشان خاطر بو العيال تعلمت كل شي ..طبعا أنا إذا طبخت لاااااااااااااااااااااااااازم الوصفات تكون بالصور أحس جذه بسرعه أتعلم وعشان المقادير بعد تعرفينها والطبخه تضبط أكثر ..هيه صح سرت المكتبه وخذت كمن كتاب للطبخ فيهم أستفدت وفيهم مااستفدت بس بصراااااااااااااااااحه استفدت من بناااااات منتداي العزيز سيدات المارات ماقصرن ما شاء الله عليهن طباخات تابعي مواضيعهن خاصه اللي بالصور..وبالتوفيق طولت عليج..
شوفي حبيبتي كل شي بالممارسة يزين
خذي لج كمن وصفة من النت تحسينها سهلة عليج وجربيها…
وألحين شي كتب طبخ سهلة وحلوة يصورون لج حتى الخطوات مثل (نخبة الاطباق) و(الاطباق المميزة)
واهم شي خليج واثقة من نفسج وقدراتها يعني إلي تعرف طبخ مو زايدة شي عنج بس بثقتها بنفسها
وبالتوفيق