السلام عليكم ورحمة الله وبركاته
خواتي بدحل في الموضوع على طول
انا الشهر الماضي خذت كلوميد وابر لتنشيط المبايض
هالشهر يتني الدوره قليلة جدا يوم ونص وبعدين انقطعت حتى افرازات بنيه بس شوي نزلي
رحت المستشفى سويت صورة وفحص دم وبول
طلع فيني كيس ماي على المبيض وحجمة اربعه سم
قالت لي الدكتورة تعالي الشهر الياي وبنشوف اذا بينزل الكيس ويا الدوره والا لاء واذا ما نزل يمكن تسويلي عملية
الحين مب عارفه شسوي وايد احاتي
اشرب حلبة وحبة حمرا ؟ لاني لقيت وصفات تنظف الرحم وما ادري اذا بتنزل الكيس والا لاء
اسوي حجامه ؟ ممكن ينزل الكيس؟
ما ادري شسوي دخيلكن اللي استوالها مثلي ياليت تخبرني شوه سوت
والسموحه
عادي مافيه شيئ ممكن ينزل الشهر الياي بروحه او اللي بعده
وقياسة صغبر مايحتاج عملية لتخلين الدكتورة تقص عليج
إذا انتي في الشارجه سيري عند دكتورة كاميليا في مركز القصر الطبي او اوراس وتأكدي منهم
حبوبه جربي الاشيا اللي قلتي عنها لانها كلها طبيعيه و ما بتاثر عليج مثل يوم انج بتجربين ادويه 
و بعدج استشيري كذا دكتوره شاطره فالموضوع و انشاءالله خير
الزنجبيل الفريش اللي تبشرين منه تقريبا ملعقه شوي وتصبين عليه ماي حار وغطي الكوب لين بفتر وعقبها شربيه وممكن تحليه بعسل وااايد مفيد فادني لما صار لي الكيس من أثر المنشطات …
وعلى فكره ترى هالشي وايد شائع ومعظم الاحيان بيروح من الدوره أذا اهتميتي بعمرج فيها..
لا تحاتي..
لا تحاتين اختي الدوره اليايه خذي مرميه وحلبه حطيهم في ماي حار ومن اول يوم الدوره الى عاشر يوم اشربي مرتين مره على الريق ومره بالليل قبل النوم وصدقينى الاكياس بتنزل مع الدوره وانتى بروحج بتلاحظين وبعده روحي عند الدكتوره وشوفي هي شو اترد عليج
حبوبه ربيعتي نفس حالتج وسوالها نزيف سارت سوت حجامه الدكتوره يودت راسها قالتلها انتي شو سويتي الكيس اختفى سالتها نزفتي ؟؟ نزلت عليج الدوره؟؟ قالتلها لا اتقولي كيف افهمها ماريانا اني سويت حجامه
حبيبتي 4 سم مب خطير ينزل انشالله مع الدوره لا تخلينها تسويلج عمليه في البدايه يعالجون بحبوب
ما قصرتن والله يا خواتي
والله اني ارتحت وايد من ردودكن يزاكن ربي الجنة والصحة والعافية
وانا ان شاءالله بستمر عالحلبة والميرمية والقرفه بس هل عادي اخذهن من احين؟ لانه الدورة باقلها اسبوعين لين تي .. والا اترياها لين تنزل ؟
وانا باجر ان شاءالله بسوي حجامه وعسى ربي ينزله بدون عمليات وبلاوي
ومشكووووووووووووووورات الغاليات وايد ارتحت بصراحه