السلام عليكم بنات،،،
ياريت كل وحده سارت إنترلاكن تخبرنا وين سكنت:22 (12): ..
في فندق أوشقه..
وتخبرنا عن الفندق أو الشقه اللي سكنت فيها من إي درجه…
وكم سعر الليله :1 (7): ؟؟…
وهل إرتاحت في المكان اللي سكنت فيه:1 (80): ؟؟
والموقع قريب من المدينه أو بعيد؟؟
عشان كل اللي يبغي يسير إنترلاكن يستفيد من المعلومات اللي بتعطونا إياها:22 (5):
و منكم نستفيييييييد …
ان شاء الله بروووح قريييييييب …
إن شاء الله رايحه على آخر شهر سبعة .. وحجزنا في فندق ليندنار( خمس نجوم) 
.. كان ودي بميتربول (أربع نجوم) بس ما حصلنا حجز..الله كريم..
نحن يلسنا في فندق نظام شقق …
والله مادري شو كان كم نجمه .. بس الفنادق اللي خذناها في سويسرا كلها كانت 4 نجوم ..
ويمكن هو بعد 4 نجوم ..
ماكان عالبحيره ،، كان شوي داخل .. يم الساحه اللي يستوي فيها المهرجان .. هي حديقه كبيره
بالايام العاديه ينزلون فيها بالباراشوت … وايام المهرجان يسكورنها ويخلونها للشلق ..
بالنسبه للفندق ،، اممم ما ارتحت فيه وايد … لان كان ماشي تكييف … !!
ما كان فيه اطلاله حلوه … الأثاث قديم … وبالليل نضطر نفتح الجامات … وتدخل علينا حشرات اطيير!!!
الريوق بالغصب يابولنا اياه لين الحجره …
بس الحمدلله انا كنا من النوع اللي ما يتم فالفندق طول النهار برع .. عشان جي ما كنت مهتمه
وايد بالفندق ..
شهد
زكيه الذكيه
شكرا على المشاركه
بس ماقلتوا بكم الليله في الفنادق اللي يلستوا فيها….
وزكيه الذكيه بلييييييييييييز خبريني شو إسم الشقق الفندقيه اللي يلستوا فيها …
لأني حابه أسير إنترلاكن وأبغي أسكن في شقه..
الصراحه الغاليه انا سكنت في فندقاعتقد المترو بول بس ماذكر كان علي الشارع الرئيسي اللي يسون عليه المهرجان لالسعر مااذكرها لان ريلي اللي حاجز اطلالته وايد روعه ريوقهم عجيب .. وانتبهي تري انترلاكن لها فرعين الاوست والايست نحن سكنا في الاوست بس الايست اكثر حياه وازحم من الاوست ..الفندق وايد مرتب وحلو ..
نحن من اسبوع اندور حجز حق الاسبوع الياي و مب امحصلين :1 (36):
قهرررررررر والله …