السلام عليكم بغيت افيدكم انا عندي مشكله المسامات على الخشم بدت تتوسع وماعرف ليش قبل مافيني
جذا حتى الشكل غير يبين لانه المسامات على الخشم استوت واضحه وانا الحمدالله مساماتي ماتتيمع فيها الوصاخه السوده بس البيضه واظهرهن بظفري مرات لانه المسام توسع قلت يمكن مع الكبر سبحان الله ذوينا هههههههه المهم رحت الصيدليه وقلت ابا كريم للمسام لاني طفرت الصراحه ومافيني اتعبث بويهي ومب راعيت تنظيف بشره كريماتي عندي وعشرين الف غسول جدامي ومافيني وصاخه سوده فالمسام شرى غيري المهم قالت احسن نوع ماركه اسمها BLODERMA تذكرت اني اخذ واقي الشمس البرتقالي لامايه منه ووايد حبته قلت هاتيه خذته حول 80درهم كريم صغيروني وبديت استعمله كل يوم حق الدوام نقطه تسد للويه ماشاء الله عطول ينشف واحط فوقه مرطب استعمل نيفيا الاخضر كريم الصباح من تحطينه ما يدهن ع طول يختي وريحته حلوه نفس ريحت الخيار وبديت استعمله والله انه طررر هو ينشف الويه عشان جي ارطبه والمسام صكن وايد وايد وايد حتى الدهون لي فيها من كثر ما الكريم يشد البشره وينشفها فالبدايه كان يظهرهن واشلهم نفس الكتل الصغيره وخلاف خازن بس لازم لازم ترطبين ايدج وويهج لانه ينشف حتى الايد يوم تفركينه بايدج وتحطينه بويهج الكريم لونه ابيض كتابته بالاخضر عالنت ظهرو الصوره اللحين مكمله معاه الشهر الثاني هذا وماخلص مع اني توقعت انه صغير وبيخلص بس نقطه تسد ومعتمدتنه وبتم عليه مستمره فجربو للي عندها مشكله المسام تجرب انا بشرتي مختلطه المسام عندي عالخشم وشوي من الخد
شو مكتوب ع العلبه بالانجليزي ؟
اللي اتداوم ع الغسول + سنفره + تونر ما بتعاني من المسامات
هالروتين وايد يخفف منهن 
المشاركة الأصلية كتبت بواسطة مراسيل الوفاآ 
هالروتين وايد يخفف منهن
لا ماله علاقه الروتين اليومي ما يسكر المسام بس يساعد في تسكيرها شوي كمن ساعه وترجع لان هالشي ماله حل ولا علاج ويساعد في عدم تكون الرؤوس السودا والحبوب
الكريمات اللي تشد المسام بعد انتبهو منها لاتستخدمونها دايما لانها ممكن تسبب مشاكل تحت الجلد يعني خلوها لأوقات الأزمات
الله يجزااج خير و الله واايد اعاني من المسام الواسعة ، صاربي أسبوع احط زيت زيتون قبل لا ارقد , اول ثلاث أيام يوم اغسل ويهي الصبح احس انه في كتل دهنية يابسة جي تطلع من ويهي و الحين احس استوى ناشف شوي ، بس بجرب ان شاء الله هالكريم . و إدا تعرفين كريم يرطب بدون ما يخلي ويهي دهني بعد مشكووورة
مشكورة