السلام عليكم ورحمة الله وبركاتة
بنات منو يعرف كيف نستخدم الكريمة الجاهزه اللي طويلة الاجل ماعرفت كيف استخدمها
عشان تستوي كريمه لانها سائله
اختي هذي الكريمه ممكن تستخدمينها للاكل
انا عندي طريقه ممكن تستخدمينها
دقيقه وبرجع لج بأكله
وان شاء الله تعجبج
المقادير :
دجاجه مفورة ومقطعه قطع صغيرة – بصل مقطع صغار – ثوم – ((كوبين من كريمة الجاهزه وهي طويلة الاجل )) – كيس سبانخ مثلجه – جبن مازورولا – لسان العصفور ثلث ثلث الكيس تقريبا
الطريقة :
نفور لسان العصفور مع 2 ملعقة زيت
تحمسين البصل مع الثوم حتى يذبل بعدين اضيفي له السبانخ + مكعب ماجي ونضيف اليه لسان العصفور اللي فورناه ونضيف اليه الكريمه الجاهزه الطويلة الاجل مع لخلطه على نار لمدة دقيقه واحده تقريبا
نضع الخلطه كلها داخل بايركس ونرشها بجبنة الموزريلا
واخيرا نضعها بالفرن حتى تنضج
وبالهنا والعافيه
واتمنى اني افدتج ولو بالقليل
مشكورة فديتج ماقصرتي
انا بغيت استخدمها بدال الدريم ويب بس ماعرفت كيف ثانكس خيتو
تأخذين العلبه واتفرغينها في صحن عميق واتضيفين سكر مطحون حوالي 1/2 كوب
وتخفقينها بالخفاقة … تاخذ وقت الين ماتتماسك … بس تطلع يم يممممممم
انااحطها في خفاقه الكيل واخفها بدون اضافه اي شي
وتطلع لذييييييييييييييييييييييذه وبنتي وولدي يموتون عليهاااااااااااااااااااااااااااااااا
جنااااااان وربي
^_^
ماقصرتن خويات شما ع الردود الطيبه يزاكن الله خير