مرحبا خواتي شخباركم
انا نفسيا خلاص تعبانه جدااا
اخر مره حملت واجهضت
والحين حملت وتون يبدخل الشهر الثالث بس للاسف صابني نزيف حاااااد وللحين مستمرمن 4 ايام
وماخده فوليك اسيد من اول الحمل مع المثبت
بس خلاص مالي نصيب بالحمل
شو الحل شو اسوي وشو السبب مع انه فحوصاتي كلها طبيعيه
والله خلاص تعبت تعبت مااستحمل
اجهضت مرتين والحين هاه الثالث ومعرض للاجهاض شو الحل
اختي خليج مرتاحه لا تتحركين لين يثبت عدل
استهدي بالله ..
والحمل والاجهاض كله بيد الله ..
خبرينيه انتي من اى اماره ..؟
اذا من دبي بعطيج رقم دكتوره كلمه شاطره عليها اشويه وكبيره ف العمر ..
وربيعه امي كانت شراتج سارت تعالجت عندها والحمدالله حملت ..
ياختي…أنا خالتيه عندها 4 عيال
عقبهم تمت 13 سنه وهي تجهض
اجهضت حوالي 6….والسبب
كاااااااااااان الغده….وتمت تتعالج 4 سنين…وانتظم عندها كل شي الحين توها مربي ماشاء الله
تاكدي ان الغدد اوكي
وربي يثبت حملج…ويشفيج
انا بعد اجهضت مرتين قبل حملي هذا وطلع السبب تخثر الدم
والحين اخذ ابر كليكسيان كل يوم والحمدلله الحمل مستمر
ربي يتمم لنا على خير
ويرزقج بالذرية الصالحة
الله يثبت حملج"
اختي قبل ما تحملين تابعي مع الدكتورة ممكن تحتاجين منشط لان بعض البويضات تتلقح وهي ضعيفة ولا يستمر الحمل ممكن مع المنشط والمثبتات الابر ينمو الجنين نمو صحيح باذن الله