السلام عليكم ورحمة الله
حد يعرف منكم بنات وين احصل قهوة نواة التمر
انا اعرف اساويها بس ابغيها جاهزة
اذا تنباع هني في الامارات او في السعودية اقدر اتواصل وياهم ويطرشولي ياها البيت
وشكرا لكم
هلا الغالية انا قبل يومين اشتريت علبة متوسطة بـ 25 درهم من مركز الشاطي في جميرا
واحلى من جذيه ذوقج الطعم عشان تجربينه واذا حبيتي تشترينه ومب بس جذيه عنده اوراق الحبق بـ25 درهم وعنده خلطه ترشينه على الفول او الجبن الابيض يخلي الطعم لذيذ
وعنده كابتيشنيو كلاسيك يمدحونه بس مااشتريت
المهم اختي اهو تحصلينه في الطابق الارضي مثل كشك حاط الاغراض والعلب وماكينة الكابتشيونو ودلة القهوه عشان تجربين بالضبط مقابل محل عالم الاحذية ما بتضيعين
اتمنى اكون افدتج
مشكورة حبيبتي نور القمر
انا في ابوظبي اذا حد يعرف في ابوظبي يكون زين
واذا ما في ماعليه بسير جميرا
بارك الله فيكي