السلام عليكم خواتي اخباركم؟ عساكم بخير
لاحضتوا اختفائي من المنتدى الفترة الاخير لان نفسيتي تعبت من التفكير وقراءة قصص الاخريات منكم والحقيقة كل قصة كنت اقراها تاثر فية وايد وصرت اقوم الليل وصلي صلاة الفير واقرا قران واستغفر رب العالمين وادعي بحرقة واطلب منه يرزقني بالذرية الصالحة المعافاة بالقريب العاجل حتى علاقاتي مع العالم تغيرت وايد صرت ماتكلم وايد مع الناس مليت وتعبت واستغفرت رب العالمين وكنت وايد احمدلله على كل حال ووكثير كنت اتشجع من قراءة قصص البنات وعلاجاتهم النتهت بالحمل .
ضليت ادعي ربي يرزقني واتقربت من رب العالمين بالصلاة وقراءة القران وقراءة ادعية الحمل من الانترنيت ,مع قدوم نهاية الشهر وانتضار الدورة مر يوم ويومين وهي ماباينة قلت الحمدلله عسا يكون خير بتاخيرهة لان الدورة عادة تتاخر عندي وملخبطة لاني اعاني من التكيس وهرمون الحليب ,المهم مر اليوم الثالث والرابع والخامس .فرحت وحمدالله حسيت ان بيكون حمل ان شاء الله وبعدها باليوم السادس قلت بسوي تيست حمل ولكني ضليت متررددة وخائفة تكون النتيجة سالب واصاب بالاحباط مثل كل شهر قلت لا بصبر وانتضر وفي اليوم السابع صحيت الفير على الاذان وصليت ودعيت ربي يرزقني وان اكون حامل رحت اعزكم الله للحمام واني حاملة تست الحمل وكلي خوف عملت التست ولكني هذه المرة وضعت اصبعي على الشاشة لاني خفت اشوف النتيجة بعدها زلت اصبعي وتميت ارجف وواشوف خط خفيف ولكنه باين ضليت اشوف علية مومصدقة ابدا وبعدهارحت صليت ركعتين شكر لرب العالمين وبعدها رحت على ريلي وصحيتة فز من النوم شوفتة الاختبار واني اقولة هذا موجب لو اني مابشوف زين قولي هذا شنو قالي سالب واضح منه وزعلت وصابني شعور بالحزن ولاقدرت انام للصبح واني افكر وزعلانة لاني شفت خط ولكنة خفيف واول مرة اشوف هذا الخط لاني صرت خبرة ههههههههه من كثر ماعملت الاختبار.
المهم في الصباح قررت اني اروح للدكتورة لتحليل الدم لانه ادق ورب العزة والجلالة صار فيني احساس غير احس اني حامل .
المهم رحت للدكتورة الظهر صليت الظهر ودعيت من رب العالمين اني اكون حامل ويفرحني وكل وحدة تتمنى الحمل ورحت للدكتورة واني انتضر دوري وجسمي كلة يرتعش وخايفانة وايد .وبعدها اجا دوري والحمدلله خبرتهة اني شاكة اني حامل وعملت تيست وشفت الخط ولكنة خفيف خبرتني ان الخط الخفيف مو دائما يكون حمل وصابني احباط وبعدها خبرتني انها تفحصني عسى يكون حمل عملتلي سونار وقالتلي مافي شي وتعبت وانقهرت وايد وقلت حمدلله على كل حال وولكنها كتبتلي على تحليل دم ,عملت تحليل دم ولكني حاسة في شي على رغم من كلام الدكتورة مافي شي ,المهم خبرت ريلي مافي شي الدكتورة خبرتني وزعل ريلي لانه صار عندة امل من شافني املي قوي .رجعت للبيت وضليت ابجي بحرقة وتعبت من التفكير وحسيت الدنيا ضاقت بيه وبعدها استغفرت رب العالمين وصليت وقريت قران وسبحان الله توني فاتحة القران قريت (اذ نادى زكيا ربه قال رب هبي لي من لدنك ذرية طيبة انك سميع الدعاء )
ودموعي تنصب متحملت من كثر ماكنت فرحانة وبعدها باليوم الثاني كنت بالمستشفى مع ريلي كان عنده مراجعة ونسيت الموضوع وبعدها اتذكرت تحليل الدم قلت بتصل فيهم واسالهم عن النتيجة دقيت عليهم وخبروني انهم يردولي النتيجة بعد خمس دقايق قلت اوكي
وبعدها اتصلت فية السستر وقالتلي فحص الحمل قلت اي شو النتيجة قالتلي (انتي حامل قلتلهة بوستيف اور نكيتف ؟؟قالتلي بوستيف مبروك مدام انتي حامل قلتلهة متاكدة انتي اني اسمي ……….شوفي الاسم والفصيلة للدم …… ممكن انتو مخربطين الدكتورة خبرتني مافي شي قالتلي مدام تعالي حللي مرة ثانية حتى تتاكدين) ورحت لريلي وشافني مصدومة قالي خير واني ولا قادرة احجي وبعدها خبرتة السستر شوقالتلي حسيت عيونة وصارت فيهة لمعة فرح غير شكل ,قلتلة بعيد التحليل .
رحت للدكتورة وخبرتهة النتيجة قالتلي مبروك حامل النتيجة تقول انتي حامل والحمدلله كنت طايرة من الفرح والله اني كان عندي شعور في شي بداخلي حسيت في من البداية بس مكان احد مصدقتني والحمدلله والشكر وادعولي يابنات ربي يتمملي حملي على خير ويثبتة لي ويرزقني بالذرية الصالحة المعافاة بلازيادة ولانقصان لاني تعذبت وايد .
ربي يرزق كل وحدة تتمنى الحمل الذرية الصالحة المعافاة بلازيادة ولانقصان واهم شي انك تكثرين من الدعاءوقيام الليل والله اني من الموقف الصارلي ماشاء الله قربني وايد من رب العالمين وان شاء الله ربي يتمملي على خير وعلى كل الحوامل .
وربي يرزق كل وحدة تتمنى الحمل(محبيت اذكر اسماء العضوات حتى ما انسى اي واحدة منهم ) امانة عليكم ادعولي ان رب العالمين يثبتلي حملي .
اختكم مشتاقة لطفل
الله يثبت لج حملج
هههههه قبل عن اقرا الموضوع
علشان اكون اول وحده تبارك لج
مبروووك والله يثبت لج حملج انشالله
المشاركة الأصلية كتبت بواسطة ضيفة شرف 
هههههه قبل عن اقرا الموضوع
علشان اكون اول وحده تبارك لج
تسلميلي ويارب يرزقج ويرزق الجميع بالقريب العاجل
ربي يثبت حملج ويتمم لج على خير
المشاركة الأصلية كتبت بواسطة وفية حق زوجي الله يبارج بيج ان شاء الله يارب
المشاركة الأصلية كتبت بواسطة حور 123 تسلمين اشكرج اخت حور