حبيت أخبركم قصة ولادتي بقيصرية
في البداية حبيت أنوه >> نحن خوات ثنتين نستعمل النك وكنا حوامل تقريبا في نفس الوقت ،،، وحدة الحمدلله ربت طبيعي وف موعدها،، والثانية هااي قصتها …..
بعد الموضوع الي نزلته عن
تجربتي في الاسبوع الاربعين
http://forum.uaewomen.net/showthread.php?t=972314
بعد ما كملت أكثر من اسبوع بعد موعد الولادة >< سرت المستشفى أكشف على البيبي
طبعاً غلطت غلطتين .. الأولى يوم سرت أراجع المرة الي قبل دخلت عند دكتورة غير عن دكتورتي عطتني قياسات غلط في غلط ،، لأن الرحم يوم سرت آخر مرة فاتح 1 سانتي وهي قالت لي فاتح 3 سانتي >< خخ أتوقع أصابع عن أصابع تفرق
ثانياً: الدكتورة قالت أراجع كل يومين أو ثلاث أيام بس انا الله يهديني كملت 5 ايام وما راجعت
في اليوم الي رحت فيه المستشفى البيبي تعباانة والمشيمة صاارت ما تصلح إلها
يومها حجزوني وعطوني طلق على طوول ،، بس الي صاار الطلق وصل المرحلة الأخيرة
والرحم مب رااضي يفتح خير شر غير 2
وبعدها نبض االنوونو بدأ يضعف وكل ما يزيد الألم يتأثر نبض الجنين أكثر
عطوني الطلق 12 الظهر لبعد المغرب ومن بعدها وقفت الدكتورة الطلق وبدت تعطيني مسكنات
عسب نبض الجنين بدا ينخفض بمستوى الألم 
هنيه حسيت قلبي بيوقف مع قلب حبيبتي ،، والدكتورة خاايفة ما تعرف كيف تتصرف لان الألم
مب رااضي يوقف ،، وبعدها دخلوني غرفة العلمياات على طوول
وطلعوولي الحلوة فديتهااا
خلااصة تجربتي : أنا وأختي حملنا تقريبا في نفس الوقت وجربنا الخلطات نفسها والمشي والرياضة وغيرها ،، أختي ربت طبيعي الحمدلله وف وقتها لأن طبيعتها جذي ،، ونا ما نفع معااي أي شي لأن طبيعتي أتأخر في الولادة وما أربي الا بطلق
دعواتكم لي
وربي يسهل على كل الحوامل ويرزق كل محرومة
الف مبروك ما ياكم ويتربون بعزكم ان شاء الله
تستاااهلوون السلامة انتي واختج والف مبروووك عالبيبي ويتربوون بعزكم ان شاء الله
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
الف الحمدالله على السلامه نفس قصتي مع خوااااااااااتي
حنا ثلاث حملنا بنفس الوقت وحده ربت طبيعي
وانا واختي الكبيرة قيصري
ولله الحمدالله
الله يبااارك ف حياااتكم
وعقباااالكم يااا رب