قروب جديد " نحو الرشاقه "

انا اول المشاركات بنظم لكم ان شاء الله ..
الاسم : الزوجة البارة ..
الطول : 164
الوزن 73
الهدف : 64

حياج الله الغاليه … وان شاءالله نتعاون للوصول للوزن المطلوب ^ـ^

الصراحة صدق كنت اتمنى انظم لتجمع من هذا النوع عشان اتشجع ..
بديت من البارحة .. اول يوم كان واااايد متعب بالنسبة لي ..
الفطور : بس كوب حليب ..
الغدا : سلطة +الشوربة الحارقة ..
العشا : قطعة دجاج مع ربع رغيف ..
طبعا على الساعة 12 تعبت واااايد حسيت ان جسمي ياكلني من الداخل وظهري تم يعورني ..فكلت توست مع جبن منزوع الدسم ..وعقبها ابساعتين زاد التعب وتميت ارجع ..من الحموضة اللي صابتني .. بعيد عنكم رقدت اشوي ونشيت الفجر على ترجيع الله لا راواكم بغيت اموت ..عقبل كلت روب وحبة بندول ورقدت اشوي والحمد لله الحين انا اهون ..
بتريق نص رغيف خبز اسمر مع بيض وخس وطماط ..والغدا ان شاء الله بيكون دياي مشوي ..والعشا يمكن سلطة وبس .. دعواتكن الله يقويني وايثبتني ..

المشاركة الأصلية كتبت بواسطة *الفلاسيه

حياج الله الغاليه … وان شاءالله نتعاون للوصول للوزن المطلوب ^ـ^

الله ايحييج الغالية .. انتي ما خبرتينا وزنج وطولج والهدف المنشود .. يالله عشان انشجع بعض ونفرح بالقوام الرشيق ..

الغالية يمكن مابيناسبج اتمين على هالرجييم خاصه انه سوالج حموضه وتعب معدتج.. لو تعتمدين على رجيم صحي يعني تحاولين تاكلين سلطات ومثلاً تفطرين خبز اسمر مع زعتر او جبنه لوفات وتاكلين مثلاً فاكهه بين الوجبات بيكون وايد احسن.

وعن سوالج انا طولي 160 و كنت مخففه اكل واسوي رياضه كل يوم لين وصل وزني 69 بس هالعشر تيام خبصت خبيصه مابعدها خبيصه لانه كنت في فترة امتحانات واحس اني زدت كيلويين. حالياً انا بجمع اسامي البنات اللي بيشاركون لين فليل عسب افتح موضوع يديد، ولين ذاك الوقت بكون وزنت.

هلا الفلاسيه

و الله يوفقنا