بسم الل الرحمن الرحيم
السلام عليكم ورحمة الله وبركاته
اليوم يايه ووياي الزين
سلمكم الله استعملت زيت يديد
والله انه عجيب
للعلم الاخت لوليانو حطت موضوع بخصوصه
http://uaewomen.net/showthread.php?t=39510
وبخبركم بتجربتي ان شاء الله تستفيدون
سلمكم الله اختي العودة سمعت عن هالزيت فقناة بداية
وحبت تجربه وتبا حد وياها فما لقت غيري وياها
البارحة سرنا واشترينا عقب فرارة وتعب
ونسال هالهندي وذاك شو يبي ماما ؟
زيت تريشووب
يحليله يلس يدور ويدور ومالقى
جان يزقر المسؤول سالنا شنويبي
قلنا تريشووب اندين اويل
قال هاااااااا ترشب هم جذه ينطقون اسمه
عطانا اياه علبته خضرة وعليها وحده تسحي شعرها
كان 7ونص (لكن بالسعودية يبيعونه ب30 ريال)
المهم اليوم جربته بعد صلاة الجمعه للعلم لازم تغسلين شعرج بالماي قبل الاستخدام
ريحته الله واكبر جنج بمبي ريحته ريحة هنود100% المهم حطيته لثلاث ساعات
وغسلته العصر تمت شويه الريحة بس والله يابنات شعري استوى حرير
من اول غسلة انصحكم تجربونه وهامكتوب بالنشرة اللي فالعلبة
وهو مركب من :
زيت سمسم 80%
جوزة الهندي 20%
اكلب الب 1%
امبلك ارفيسيلس 1%
الزهره الازرق 1%
مندوك بران 1%
ناكرموت 1%
ياسمين 1%
ابروس بركتبورس 1%
يشت مادو 05%
ورون برك 05%
حبة كرنج 05%
بروهتي لكسمنه 05%
اندراوروني 05%
ورقة نيم 2,5%
وفوائده هي :
*يثير نمو الشعر
*يوقف سقوط الشعروقشرة الشعر
* يساعد ان يعود نمو الشعر بعد التساقط
وهو عباره عن دواء عشبي
وهو من صناعه هنديه
وطريقة استعماله :
تغسلين شعرج بماء حار او دافئ وتجففين شعرج جيدا وبعدين تحطين الزيت وتبدئين بعمل مساج باطراف الاصابع على فروة الراس
ولي عودة ان شاء الله
لاتنسوني من الدعاء
قولو
لا اله الا انت سبحانك اني كنت من الظالمين
لاتنسوني من الدعاء
لا اله الا انت سبحانك اني كنت من الظالمين
موفجة
تسلمين عموضوع
مشكورة اختيه وبنجرج ما بنخسر اي شيء تسلمين بس يبيعونه في كل مكان؟؟؟؟ "مع العلم ان شعري ما شاء الله عليه ناعم وطويل بس زيادة الخير خيرين"
يزاكم الله خير
جربوه وما بتندمون
ان شاء الله
طيب اختي هو يطول الشعر ولا لا؟؟ اذا ايه لاحظتي انه طول شعرج في كم يوم؟وين ممكن احصله في المراكز الكبيرة ولا عاد يفي اي مكان
وتسلمين حبوبه ^_^