السلام عليكم
اشحالكم حريم
أنا حامل فالأسبوع الـ 19 ، يعني الشهر الخامس تقريبا
سويت سونار ، وقالت لي الدكتورة سوزان أو سوسن الي بمركز نادية ماعرف بالضبط شو اسمها ،
قالت كل شي تمام بس المعدة مب مبينة أبداً
وحاولت من كل الاتجاهات وردت تقول نفس الشي المفروض تكون واضحة بس هي ابداً مب مبينة
منو مر عليها نفس الحالة ؟
وهل هالشي عادي؟
من خبراتكم حبيباتي
أختكم ،أم عادل
انتظري اسبوع زيادة وردي افحصي عند دكتورة ثانية عشان تتطمنين أكثر
غريب!!
جربي روحي لدكتورة ثانية
جربي مريانا بمركز الامير الطبي
حاولى تسيرين عند دكتورة ثانيه
ترا الاجهزه تختلف من مركز للثاني
ما عندي فكره بس حبيت ادعي لي الله يحفظ حملج يارب ..
اممممم يعني هي شلون اتركتج جيه بدون اي اجابه المفروض تشرح لج وما اتخليج فحيره جيه واتوسوسين يعني الجنين طبيعي والا لا هاي المفروض اتقوله ،،
انا الصراحه هالدكتوره كنت اتابع عندها بس اخر مره جيه شراتج خلتني فحيره انه قلب الياهل فيه كور بيضا وتميت اوسوس وبكل سهوله قالت عالموعد الياي بنتاكد والموعد الياي كان عقب شهر يعني انا شو بيصبرني شهر جيه !!!
سيري عند دكتوره ناديه نفس العياده وحتى لو عندها زحمه او تتريين بالساعات بس هي بطمنج وبتشرح لج اكثر وقولي لها دكتوره سوسن شو قالت لج وشوفي شو بتقولج ،،
الله يطمن قلبج يا الغلا على ضناج ،،
الله يحفظه ويكون كامل الخلقة من غير زيادة ولا نقصان يارب العالمين