السلام عليكم ورحمة الله وبركاته
بنات انا وايد تعبت الفترة الاخيرة
جاستني حما وحالة وياني بوصفار عقب يوم شخصوني طلع فيني التهاب الكبد الوبائي وبسبته يتني الحمة وياني بوصفار ورقدوني فالمستشفى
بس الحمدلله طلع فيني نوع ( أ ) يعني ايي بسرعه ويسير بسرعه ومافيه خطورة ولله الحمد
والله لا يوريكم شكلي قبل بنات صدق بوصفار بمعنى الكلمة وعيوني اصفرن وللحين شوي فيهن صفرة خفيفة
اباها تخوز بسرعه بس قالولي يبالج وقت واهم شي الاكل تهتمين فيه لان ها ماله علاج بالادوية ها يخوز روحه لكن لازم اهتم فالاكل
والحين انا فالبيت وكل حد اييني يعطيني لستة اكل اروم اكلها ولستة ممنوعااات لو كلتها بتزيد الصفار لي فيني
فالمستشفى كانوا يعطوني دياي وسمج بس مفوورينهم يعني ماشي دهوون
لان الدهوون مب زينه حقي فهالحالة وصدق مانعني منع باات منها
لكن في حريم الله يهديهن زيغن الوالدة اونه مب زين تعطونها سمج ودياي حتى لو بدون دهن
اونه بس اكلوها خضرة وفواكة وعدس ومن هالسوالف بس بدون سمج ودياي ولحم
بس فالمستشفى كانوا يعطوني سمج ودياي عالغدا والعشى مفورينهن حقي وبس يعني قطعة صغيرة او شبه متوسطة
وقبل لا يرخصوني يتني دكتورة التغذية وقالتلي شو اكل وشو ما اكل وما منعتني من اللحوم بانواعها بس قالت اهم شي بدووون دهووون لانها تزيد الصفاار
وسالتها الفترة قالتلي عالاقل ست شهووووور لانها فترة نقاهه
بنات احس وايد ست شهور ما اكل دياي وسمج كفاية انا بسبت هالمرض خلال عشرة ايام نزلت 5 كيلو
وايد انهد حيلي ونفسيتي تعبت وشكلي راااح وضعفت ضعف غير طبيعي اللي يشوفني يقولي انشفطي وغديتي عظم وانا قبل وين !!
الحين شسوي !! حالتي حالة ماعرف شو اكل وشو ما اكل
معقولة ست شهور لا دياي ولا سمج بينهد حيلي بمل من الاكل احس نفسيتي بتتعب ومابداني طاري الاكل حتى
مع العلم انهم طالبين مني اكل وايد خضرة وفواكة بس اهم شي ركزوا عالبروتينات لان انا فيني ضعف ولازم اعوض باطعمه فيها طاقة ..
شسوي بهالحريم الحين .. ومنو الصح ! المستشفى والدكاترة ولا حريمنا !!
اصدق منو وشو اكل خبروني بنات الله يرضى عليكم ..
الله يشفيج حبيبتي
بس انتي عليج بكلام الاطباء واخصائية التغذيه
لا تسمعين رمسه من هب ودب
شسوي يختي والله روحي ماعرف
لعوزوني كلي ها لا تاكلين ها
ياكلوني اشيا ف حياتي ما كلتها ولالي خاطر اكلها
ويحرموني من الاكلات اللي احبها
ادري ان الحمية ضرورية بس ابا حد يعرف شو لي ينفع فهالحالة وشو لي يضر
شربي عسل <<< ماي حاار ويا عسل دوووووم
وشربي عصير العنب الاسود <<< مش العنب الاحمر الدواري لاا الاسود يشبه العنب الاخضر انتي عصريه في البيت وشربيه لا تشترينه عصير جاهز ….شربيه دوووووم وايد زييين
وكلي فواكه وااايد وخضراااا مسلوقه واايد
واللحوم والدياي ^^ ماعرف سوي اللي قالت عليه الدكتوره
والله يشفييج وتردين نفس قبل واحسن
والبطاط لو تبين تاكلينها لا تقلينا اسلقيها وحطيلها ملح اموووت عليها جييي حلوه واكبها ويا كاتشب ولو تخلين القشره مالتها مفيييده
كلي برتقال وفراوله وكرز ورمان وعنب
وااايد هالاشياء مفيده والبطاط الحلوه
سويلج جدول حلوو عشان لا تملين نوعي اكلج في الاسبوع والخبز كلي الاسمر انسي الابيض هاللي اعرفه ^^
حبيبتي واهم شي كلام الدكتوووره
عسل اشتريه من معجزه الشفاء
احيد الاهل زمان اول اذا حد فيه بو صفار يشربونه حليب وفيه كركم شو الحكمه من هذا ما ادري بس يتشافون منه
أمشي حبيبتي على كلام اخبرية التغذيه واكلي اللي قالتلج عليه
وماعليج وايد بيكون شي أكل ومنوع… وبتحسين صحتج وايد استوت زينه
بس كمن يوم وعقب بروحها معدتج بتتعود على الاكل الصحي اللي بدون دهن
وربي يعافيج