فيج تكيس المبايض أو ضعف في التبويض تعالي بقول لج

شحالكن يا الغاليات شو أخباركن

إن شاء الله بخير

الصراحة أتمنى إني أكون حامل هالشهر و ما أشوف الدورة إلا عقب 9 شهوروولدي أو بنت عندي بس أبى حملي يكون سليم لأنه غالب المتكيسات يعقن لأنه البويضة صغيرة و ضعيفة الله كريم

المهم

أنا متفائلة خير إن شاء الله لأني لو ما كنت حامل إن شاء ببدأ بعلاجي

و اللي هو بيكون على ثلاث مراحل
أول مرحلة لمدة 3 شهور من أول يوم في الدورة لين أيام التبويض باكل اناناس و لازم يكون فرش لأنه مفعوله أقوى
حرمة أخوي يربته و ما شاء تكونن عندها بويضتين و الدكتورة استغربت قالت لها إنتي كلت كلوميد قالت لها لا
تجربتي مع الأناناس إنه خلى مفعول الكلوميد يزيد في الشهر اللي شربت في العصير كبرن البويضات و في الشهر اللي عقبه ما شربت العصير كل البويضات صغار مع إني كلت كلوميد
المرحلة الثانية لمدة 3 شهور في حالة ماحملت في الثلاث الشهور الأولى
بشرب حلبة يوميا و أفضل نشرب الحريروة لأنه فيها الحبة الحمرا
ما شاء الله اختي سارت عند الدكتورة و لقت فيها بويضتين وحدة منهن انقسمت و كان فيه احتمالية أنها تحمل ب3 عيال بس توها مربية و ما تبى تحمل
المرحلة الثالثة بشرب زنجبيل بس الصراحة ما أعرف وحدة يربته بس أنا بتوكل على الله و بسوي كل هالأشياء تقريبا في 6 شهور
الله كريم
على فكرة تجربة أختي و حرمة أخوي ما فيها مبالغة و كانت الشهر اللي طاف و انا ترددت وايد قبل لا أكتب لني خفت عليهن الصراحة والله لو ما أحبكم جان ما كتب لكن و عشان جذا أتمنى من كل وحدة تقول ما شاء الله
وفقكن الله لما يحب و يرضى
( يمكن أسوي حجامه في الدورة الياية ادعوا لي الله يوفقني )