السلام عليكم
شحالكم ؟
خواتي ابا ابدا اخذ فيتامينات مفيده تفيد بشرتي وشعري وجسمي
شعري صار يطيح بشكل فضيييع
وبشرتي صارت باهته
شوتنصحوني
شرايكم بالاوميغا. 3 ؟ هل الهم مضاار
ابا انواع الفيتامينات الي تفيد البشره والشعر
مابغي مالتي فيتامين لا ابغي فيتامين منفصل مثلا اي او بي وجي
للعلم انا ما اكل لا سمج ولا لحم ولا بيض ودياي نادر مب دايما !!
ةةشوافضل الفيتامينات الي تفيدني وماتضرني ؟؟؟
وصلوا عالنبي
أختي اللحوم بأنواعها تحتوي على بروتين وأحماض أمينية غير متوفرة في المصادر النباتية غير أنه غنية بالحديد والفيتامينات , وإن كان هناك مصادر نباتية للبروتين ولكن يختلف عن البروتين الحيواني في الخصائص والفوائد. والبروتين والأحماض الأمينية تلعب دور أساسي في النمو وهي تأثر بشكل كبير على جميع وظائف الجسم , ونقصها يأثر على البشرة والشعر ولأنج ما تاكلي البروتين الحيواني , فلازم تراجعي أخصائية تغذية , تشوف شو اللي ناقص في غذائج شو هي المصادر الأخرى اللي منها ممكن تعوضي النقص .
يعني بفكرج وحده ماتاكل المواد الاساسيه اللازمه لبناء الجسم ممكن المكملات العذائيه تنفعها ؟؟؟؟
اسمها مكملات يعني وظيفتها تكمل المواد الاساسيه لو نقصت بس ما تغني عنها بالاساس
انا انصحج ترتبين غذاءج اول شي واهتمي بالعناصر الاساسيه والمفيده من المصادر الطبيعيه وعقب ممكن تزيدين حبوب
انصحج تشوفين دكتوره تسوي لج فحص دم عشان تعرف شو اللي ناقصج وتكتب لج اياه بجرعه هي تحددها مب على مزاجج ما تعرفين مثلا كم ملييغرام بالحبه وكم المده واللا كل مره
لاتستهينين باحبوب المكملات الغذائيه تراها مثل الادويه ما يستوي تاخذينها منا والدرب
مجرد راي ونصيحه
شكرا عالافاده