فن تزيين اوعية الزراعة شي سهل وممكن حتى الأطفال ينفذونه، يعطي منظر جميل للمنزل من الخارج وكذلك يبعث الراحة في النفس، بما اني وحده تحب الزراعه والخضار والورد لقيت هالافكار في موقع اجنبي وحبيت اني اشارككم فيه اخواتي حتى نستفيد منه، بسم الله نبدأ:
اسهل وارخص شي ممكن نزين به هو أصداف البحر، ممكن تطلبون من الأطفال يجمعون لكم شوية أصداف خلال اي رحلة بحرية ولما ترجعون البيت تعطونهم الوعاء او الأصيص بس الموضوع محتاج مسدس الصمغ عشان نلصق الأصداف على الحواف بشكل دائري او اي شكل انتو تحبونه مثل الصوره
لو كان عندكم كمية كبيرة من الأوعية بحجم واحد او بأحجام مختلفة ممكن تلونا كلها بلون واحد وتثبتونها حول باب البلكونه او اي باب مؤدي للحديقه بحامل الاوعية اللي ينباع في كل مكان تقريبا بس حاولو ماتعلقونه في مكان عالي جدا حتى لايصعب عليكم سقاية الورد يوميا.
هذي الأوعية عبارة عن قواطي معلبات، حليب مجفف و معلبات أكل بدل ماترمونها ممكن تغسلونها وتجففونها وتصبغونها بلون ابيض او اي لون تحبونه وتزرعون فيه ورد يكون منظره بهاي الطريقه.
هذا اللي تشوفونه غطاء وعاء نفايات معدني اكرمكم الله وضعنا في شوية رمل نظيف وثبتنا في الوسط اوعية زراعة صغيرة ولوتلاحظون الأوعية شكلها قديم وغير مطلي لكنها عطت منظر جميل، ممكن الاستعاضة عن غطاء النفايات اللي هو القاعدة بصينية فرن قديمه تنطلى حوافها بلون ابيض.
هذي اوعية سهلة مجرد نطليها بطبقة أولى وبعدين نرسم خطوط بلون ثاني بالشكل اللي تحبونه.
ممكن نصنع رف خشبي يتثبت عند حواف نوافذ البيت وتصنع في وسطه فتحات دائرية تثبت فيها اوعية الزهور تعطي منظر جميل جدا للبيت من الخارج وفي نفس الوقت سهل سقايتها بشكل يومي بدون الحاجة للخروج للحديقة.
لوعندج كرسي حديقة خشبي قديم ممكن اعادة طلاءه باللون الأبيض "وأنا احب هاللون في الحديقة يعطي احساس بالصفاء" وبعدين ممكن ينحط عليه اوعية الأزهار الصغيرة والأوعية الكبيرة بتكون في الأسفل.
لولاحظتو الوعاء هالمرة عبارة عن حامل معدني بسلة يتعلق في اي جذع شجرة في الحديقة ويزرع في ورد يعطي أيضا منظر جميل جدا للحديقة.
أتمنى انكم استفدتو، واللي استفادت تدعي لي دعوة حلوه.
nice 
سبحان الله الون الأخضر يبعث الراحة في النفس ..
تسلمين حبوبه عالمشاركة .
رووووووووووعه
تسلمين الغاليه
……..
بالتوفيق غناتي … والله يرزقج من حلاله إن شاء الله .. ويرزقج من أوسع أبوابه ^_^
افكار جميله ورائعه ومبتكرة
اختيار موفق
مشكورة الغالية
استوحيتيلي بأفكار حلوة وان شاء الله بنفذها وادعيلج