فلافل على اصولها وشغل بيت

أخباركم..أتمنى انكم تكونين بخير..
آخر أكلة سويتها وحطيتها في المنتدى كيكة بوعمدان..والشي اللي احبه لما اضيف موضوع في الطبخ لازم احط معاه صور..من غير الصور صعب اقنع حد ان الاكلة تشهي..علشان جذي افضل وجود الصور في جميع مواضيع الاكلات..

طبعا هالاكلة من زمان مسويتها وجاهزة بس مافضيت اني انزلها في المنتدى الا عقب ماخلصت امتحاناتي..والحمدلله..

طبع الوالدة الله يحفظها ويخليها لنا تحب تطبخ كل الاكلات اللي في المطاعم علشان مانروح المطاعم..وبصراحة هذا اللي صار احب اكل امي بشكل..تضبط كل شي ماشاء الله عليها..فديتها والله..مع ان نروح مطاعم بس اقل من قبل بوايد..
المهم فقررت الوالدة تسوين لنا فلافل وطبعا انا حبيت اساعدها وقلت لها عنج..انت عطيني الوصفة وانا بسويها لكم..

المقادير:
– حمص..
– بصل مقطع..
– ثوم مقطع..
– بقدونس..
– كمون مطحون..
– الاداة الخاصة للفلافل..
وراح تحتاجون المفرمة..(جدا مهمة)..

الطريقة:

اول شي لازم تنقعون الحمص في الماي قبله بفترة..يعني مثلا اذا كنتوا ناويين تسوونه الصبح..نقعوا الحمص في الليل..
جهزوا المفرمة..
وقطعوا البصل والثوم..

وزهبوا البقدونس …

وشغلوا المفرمة وحطوا فيها الحمص وشوية بصل وثوم وبقدونس وهكذا..لين ماتخصلون الكمية..
وعقب حطوا الخلطة مرة ثانية في المفرمة..يعني مرتين لازم تنفرم..
وتطلع بهالشكل..

وعقب ضيفوا الملح والكمون المطحون..ولاتنسون تسخنون الزيت..لأن اذا كان الزيت بارد بيخترب عليكم..

والحين خلكم مستعدين للجد..وياحبذا لو تلبسون القفاز..اريح لكم..
لازم تستخدمون هالاداه علشان تقدرون تسوون الفلافل..من غيره ماتقدرون..ولازم تضبطونه بهالشكل

وتحطونه في الزيت….

وفي النهاية يطلع بهالشكل…

ويقدم مع الطحينية والسلطة والخبز العربي وبالهنا والعافية

ملاحظة: ترى مو انا اللي طابخة بس نقلته عشانكم من منتدى ثاني لعضوة فيه ونبهت عشان حقوق النشر