شحالكم عرايسنا الحلوات ؟؟؟
حبيت اطرح هذا الموضوع عسب استفيد ونفيد كل المخطوبات .
فترة الخطوبة
( طبعا بعد الملجة مو قصدي خطوبة كلام وبس لا بعد ما يتم العقد )
1-كيف كانت بداية التعارف بينكم ؟
2-شو المواضيع اللي تناقشتوا فيهاا ( ياليت البنات يذكرون لنا اهم المواضيع اللي المفروض يتفقون عليها قبل العرس ) ؟؟
3-كم المدة اللي احتجتيهاا عسب تتعودين عليه ( يعني لين حسيتي انج ما عدتي تستحين منه ) ؟؟
4-المواضيع الحساسة سمحتيله يتكلم فيهاا في بداية الخطوبة ولا انزعجتي منهاا واجلتيهاا لين بعد العرس ؟؟
عرايسنا واللي عندهم خبرة فيدونا .
بتكلم اللي اعرفه مع اني مب معرسه بس اشوف البنات والاهل
بعد الملجه يزورهاا وتكون العروسه كاشخه وحلوه >>>شي اكيد هههه
تلبسله فستان ناعم خصيصا اتكون متحنيه كامل شي اكيد في البدايه مستحيين من بعض يبالهم فتره لين مايتعودون على بعض ويقولج احلى فتره للملجه ٦ شهور مب اكثر او اقل
والافضل السوالف الحساسه مايبدون من البدايه ولا شو خلوا حق بعدين يعني مب تعصب اذا فتح بس بشطارتهاا تتهرب وباسلووب راقي ودلع هههه
انا اشوف احلى يوم البنت تحرقصه زياده صدقوني الريال مايحب البنت الجريئه اللي زياده عن اللزوووم…!
وبسسسسس ونشوف اراء الصبآيآ
-1 كيف كانت بداية التعارف بينكم ؟
اول ما ملجنا كلمني بالفون اول مره كان هو يرمس اكثر شي ,, لكن بعد فتره حسيت اني نا اللي ارمس اكثر منه خخخخ
2-شو المواضيع اللي تناقشتوا فيهاا ( ياليت البنات يذكرون لنا اهم المواضيع اللي المفروض يتفقون عليها قبل العرس ) ؟؟
امم اهم المواضييع : في اشيا وايد ومنها مثلااا عن امور العرس وكيف حياتي بتكون بعد الزواج يعني ووين بقعد وكيف دوامه وكيف دوامي وشو بعدد اممم الاشيا اللي نحبها واللي مانحبها وجي^^
3-كم المدة اللي احتجتيهاا عسب تتعودين عليه ( يعني لين حسيتي انج ما عدتي تستحين منه ) ؟؟
بالفون كلمته مده شهرر وشهرين جي وبعدين بديت ما استحي منه واييد يعني خفيف خفيف بس مو في كل الامور طبعا خخخ,, بس لما يشوفني وايد استحي
4-المواضيع الحساسة سمحتيله يتكلم فيهاا في بداية الخطوبة ولا انزعجتي منهاا واجلتيهاا لين بعد العرس ؟؟
بصراحه انزعجت منهاا وقلت له خل كل شي لبعد العرس وهو رضى والحمد لله لكن احيانا يرد يرمس فيها ويطفربي ^^ وبسس
موضووع حلو ^^
1-كيف كانت بداية التعارف بينكم ؟
مـن ثاني يوم هـو ف بيتنا فحـسيت ان عادي بديت اتأقلم ويـاه
2-شو المواضيع اللي تناقشتوا فيهاا ( ياليت البنات يذكرون لنا اهم المواضيع اللي المفروض يتفقون عليها قبل العرس ) ؟؟
اممم المواضيع اللي تناقشنا فيها
عن حفلة الملجه وعن تجهيزات العرس يحليله كانن وياي بكل خطوه وقعد يساعدني بأموري^^
3-كم المدة اللي احتجتيهاا عسب تتعودين عليه ( يعني لين حسيتي انج ما عدتي تستحين منه ) ؟؟
فترة الملجه كانت 2 شهرين وانا اتعودت عليه بسررعه لانه اهو حاول قد مايقدر انه يعودني عليه
4-المواضيع الحساسة سمحتيله يتكلم فيهاا في بداية الخطوبة ولا انزعجتي منهاا واجلتيهاا لين بعد العرس ؟؟
اممم في فترة الملجه ماتكلمنا عن المواضيع لاني كنت واايد اتهرب ^^ وبعدين هو من نفسه قال نخليه لبعد العرس
موفقاات بناات
اب اب اب
ஐسبحان الله ஐ O.oالحمد لله O.oஐالله أكبر ஐ
*¤*~ لا إله إلا الله وحده لا شريك له ، له الملك وله الحمد وهو على كل شئ قدير".*¤
.
.
{يا مقلب القلوب ثبت قلبي على دينك}
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .