السلام عليكم ورحمة الله وبركاته
قريت قبل دقايق موضوع من الأخت جنان الفجيرة عن غلاء المهور و أقتراحاتها طيبة الصراحة ، لكن لو نرجع لآرض الواقع بنشوف ان البنت اساسا مب هي الي تحدد المهر ولا المؤخر ولا طلبات الزواج
عن نفسي ، كنت اقول مابطلب وااااايد و مصاريف العرس ما ببذر فيها ، لكن وقت الجد صار الكلام و الشعارات ثانية ، كان مهري 100 ألف و القاعة على ريلي ..
بس قدرت أتحكم بشي و هالشي خفف من المصاريف …
1- حفلة الملجة ما سويتها الا في بيتنا و كانو المعازيم أهل بيتنا و أهل بيت ريلي ( 30 شخص تقريبا)
2- خذت طقمين ذهب خفاااااااف و قيمتهم بسيطة و الشكل معاصر يعني محد بيقولي ذهبها قديم
3- الحاظر او الزهبة كانو شنطة وحدة بس و كلها أشياء بسيطة و ما بالغت بشي
4- ألغيت موضوع السفر و شهر العسل و تمينا بالبلاد ( سياحة داخلية)
5- المكياج و التسريحة كانو من صالون دايم أنا أتعامل معاهم و كان شغلهم حلو و مناسب لي
6- الفستان كان لربيعة خالتي إيجار ب12 ألف
7- بخصوص العناية اكتفيت بالحمام المغربي و خلطات التاجرات و منهم ام الوصايف ( موجودة بالمنتدى)
8- التوزيعات كانت حصرا على المدعوين ، و كانت التوزيعات تقريبا 150 حبة و كلها شغل يدوي مني و من خواتي و الوالدة الله يحفظها و كانت عبارة عن مداخن فيها عطور و مداخن فيها جوكلت و سويتات
و الحمدلله قدرت أحتفظ من مهري بمبلغ 40 ألف و استغليته في البزنس >> شغلت مخي شوي 
و أرجع و أقول البنت مالها راي في موضوع المهر ( من وجهة نظري) بس تروم تتحكم بالمصاريف
و عسى ربي يرزقكم بالأزواج الصاااااااالحيــــن 