غفلتي وتوبتي ورحمة ربي الكريم! الجزء الثاني

عدت لكم من يديد ..
وتكلمة قصتي وياي ..

للي ماقرت بداية القصه .. ( الجزء الأول )

http://forum.uaewomen.net/showthread.php?t=580250

اول شي اشكر كل من ردت على الجزء الأول ..
واتمنى من الله ان تكون قصتي عبره لمن لا يعتبر ..

——————-

وصلت .. لما تعرفت على واحد بالصدفه ..
بختار له .. اسم .. ( خالد ) ..

من عرفت خالد وانا عايشسه في عالم حلوووووو
لاني من قلت الو قال لي اباج وبخطبج

كنت من اسولف يقول لي وين بيتكم ..؟ وكنت استهبل .. اوني مااعرف ليش
واقول له .. ليش يقول بطرش اهلي صوبكم ..
انا اباج بخطبج ..

كنت اطير من الفرحه من كلامه .. حسيت صدق ان هالانسان صادق ..
وحبني من بد كل هالشباب اللي ماعندهم سالفه الا اللعب .. !!

كان دايما يحن علي .. ابا اخطبج . .
وكنت اقول له اصبر لين ماتخلص
>> يدرس فالتقنيه ..
وكان يزعل صدق .. !!

مره قلتله خلاص اوكي تعال اخطب ..
قال انا مابا اخرب عليج وانتي كله تقولين تبيني اكمل دراستي ..

خلاص بكملها .. بس توعديني انج تتريني واتمين وياي .. لاني مااصبر بدونج ..

يوم عرفته كان عمري 21 وقال لي عمره 24 ..

همني زياده وحبيت الموضوع
. .لاني ما اتمنى ابدا اني اخذ واحد من سني ..

المهم قلت بصبر

في الايام اللي كنت صابره فيها ومعاه ..

كنت ادش النت .. واقوله ..
اني داشه عسب اطلع شي ولا ادرس ..

بس كان فيني ادمان نت ..

مااقدر اني اخلي كل شي مره وحده عشانه ..

كنت اكلم بس خفيييييييف .. عشان خالد مايحس ..

المهم

انا عرفته في شهر 5 من سنه 2024 ..

بس كورسين ونص.. وبيتخرج خالد وبيحقق حلمي في الزواج.. !

من خلص كورس الاول ..
بدت اجازة الصيف ..

و في شهر 7 ..

ياني خطيب ..

واهله يوا كلموا اهلي ..

بس ماصار شي رسمي ..

قررت اخبر خالد ..

ولو مايا بوافق واللي فيها فيها ..

كان اهم شي عندي ان اتزوج !!

كنت ابا اعيش الاحلام الورديه اللي اقراها

قلت بخبره واللي فيها فيها ..

وكنت متوقعه رده

ومتأكده من انه بيي عطول ..

ومستحيل يخيب ظني فيه ..

قلتله . .

وقعد يصيح ..

ويصيح ..

قال لا اني مابتكون الا حقي ..

وسكت

عقب قال

أإنه

شوره مب بيده وان احتمال ابوه مايوافق

قلتله اوكي

وطنشت لاني بصراحه كنت مستاااااااااااانسه اني بتزوج ..

واخيرا

حلمي بيتحقق !

المهم
نسيت اللي سويته

ومنطشه خالد من خاطري !!

وناسيه موضوووووعه ّ!!

ولو يتصل ماارد .. << مشاعري كلها تبدلت .. لانها صدق كانت مشاعر مزيفه ..!!!

وصل اليوم الموعود

وزارونا ..

حبوني وايد ..

واستانسوا علي ..

وانا مستاااااانسه طايره من الفرحه ..

قلت الحمدلله بفتك من الربع .. وعقب الزواج بتغير ..

عادي ..

الكل يغلط ..

يت علي انا يعني ..!!

للأسف في ذاك الاسبوع ابوي كان مسافر .. ولازم يتروينه يرجع ..!!

رجع ابوي ..

وهم مارجعوا …

والسبب للحين محيرني .. !!

قلت ارجع لخالد عشان .. يرجع لي احسن

يمكن تزوجني عل وعسى ..

وقال لي كيف تبيني اخطبج وانتي تتوقعين اهلج مابيوافقون

قلتله ماعليك لو ماوافقوا بوقف ضدهم ..

قال : ابوي ما بيوافق !! وانا مااقدر اتزوج وووووووو .. من هالكلام ..

انا هني انصدمممممممممممممت …

حسيت الدنيا تدور فيني .. !!!

وين كلامك ياخالد

وين وعودك ؟

وين الحب

وين اللي مايستغني عني ؟!!
ومايقدر يعيش بدون صوتي ..

هني وقف الكلام ..!!

وماقدرت اسوي شي الا اني اسكر في ويهه

اتصل واتصل واتصل ..

ردي .. الله يخليج ابا اكلمج

بفهمج الموضوع

للأسف ..

ضعفت ورديت عليه ..

قلتله شو تبا

قال بس تريي لين مااكمل دراستي

قلتله اوكي بتريا بس لو ماخذتني .. !!

قال باخذج بس انا عندي مشاكل مع اهلي الحين .. دخيلج .. !!

قلتله اوكي ..

وعدت الأيام وخلصت الإجازة ..

انتظروني باجر في الجزء الثالث ( بداية الهدايه ) .. والجزءء الرابع .. ( فرحتي )

ان شاء الله

يامثبت القلوب ثبت قلبي على دينك .. !!