السلام عليكم و رحمة الله و بركاته
من زماااااان خاطري اكتب هالموضوع و الله الواحد ينقهر من يسمع عن جشع الناس و طمعهم …
شو هالدلال شو الاتكاليه يبون يعيشون في رفاهيه على حساب الناس الي صدق محتاجه..
اذا تعرفون حد يشتغل في الشؤون اسألوهم و الله بتنقهرون شراتي
انا وحده تخبرني تقول في ناس مش محتاجين و اعرفهم عز المعرفه الخير عندهم ما شاء الله و فوق هذا ياخذون من الشؤون..بتقولون كيف ؟
انا بخبركم بالواسطه و حتى ممكن يراكضون ورى الشيوخ و يستغلون كرمهم ..بس عشان ياخذون فلوس من الشؤون..
و الي يدش عليهم و يقول انا موظف و حرمتي موظفه بس ابغى تسجلوني عشان اخذ فلوس قالوله ما ينفع قال شوفولي اي ثغره في القوانين..بالله مب عيب ؟!!
و في ناس يكفلون أيتام أو لقطاء و ياخذون من الشؤون تقريبا 2024 اذا مش غلطان حق هاليتيم بس هم ياخذونها لنفسهم و لا يدرون عن هاليتيم شي..
و غير الي ماخذله 3 حريم و عايش حياته يتزوج و يطلق و ياخذ من الشؤون فوق ال 20,000 لان عدد عياله ما شاء الله وايد بالله هذا الدنيا عنده استهتار !!!
و غيرها من القصص الي ترفع الضغط و الناس الفقاره الي عايشين في بيت صغير و شوي و بطيح عليهم هذيل ما يكسرون الخاطر..
ليش الناس صارت تركض ورا الفلوس و ناسيين انها حق للمحتاجين مش هم ما يعرفوا يقولون الحمد الله …
و لو بتكلم عن الجمعيات الخيريه تعالوا شوفوا استغلال (( بعض )) الوافدين ل هالجمعيات..
اييبون تقارير طبيه مزيفه او تقارير بديون و يكونون هم اصلا قادرين انهم يدفعونها بس يبون يستغلون هالجمعيات و ياخذون بيزات منهم بالشفقه …
بخبركم مثال :
وحده وافده عيالها في مدارس خاصه و طلبة من المديره تقرير بالرسوم الي المفروض يدفعونها .. توقعن شو قالت المديره الوافده بعد :
قالت انا اعرف هالحركات الي تسونها تبين هالتقرير عشان تاخذيه للجمعيات الخيريه و انتي مش فقيره اصلا ..انا بكتبلج بشرط الي يعطونج اياه انا لي النصف منه و لا ما بتكتبلج التقرير.. !!!
هالحركه معروفه يسوونها بعض المدارس الخاصه..
الحين شو رايكم انا أتغصص اذا شفت ناس تستغل كرم بلادنا و للأسف مش بس الوافدين حتى المواطنين 
نص اللي في فريجنا ياخذون من الشؤون وهم عندهم مزارع وعقارات وبعضهم ياخذون حتى من الهيئات الخيرية
وحدة عدال بيتنا ,, عندها ولد يتيم ومعوق مسكين ,, استواله حادث سيارة واتشلل ,, اتزوجت ريال مقتدر .. تاخذ من الشؤون حق الولد 2300 وتاخذ من ريلها 5000 أونه مصروف البيت والريل يدفع راتب خدامة من خداماتها الثنتين ونص راتب الهندي اللي يجابل الولد .. وأصلا الهندي هي تعطيه 600 ( 300 منها + 300 من الريل ) !!
فوق هذا ابو الولد مخلف لها نص بيت مأجرتنه + تكاسي 2 + هي اروحها شارية تاكسي ثالث
غير ان نص بيتها اللي هي فيه مأجر
والله فوق هذا تشحت من الديوان ومن الشيوخ وكل ما سمعت عن حد يطلع زكاة ركضت له
والقهر اللي صدق قهر ان الولد المعاق وصل عمره 18 وهي ترقده في الصالة .. ما بنت له حجرة ليش يعني هو عنده راتب ؟؟
واتطرشه للعلاج الطبيعي بباص المواصلات مع الهندي .. والولد خاله موفر له سيارة هي مخلتنها اتحوم بها من ديوان لجمعية خيرية
وفي رمضان الماضي ودت الولد المسيد وقعدته علشان الناس يتصدقون عليه
استغفرالله من زود حبها للفلوس حتى ولدها تسرقه !!!!!
والمصيبة من كم يوم ساحبة ريلها البلدية ,, تتنازل عن نص البيت مالها باسم الولد المعاق علشان ريلها يضيف اسمها في البيت اللي ساكنة فيه الحين … وليش تظنون ؟؟ علشان ما اييب حرمته الاولى أم عياله ..
وحرمته ام عياله ولدها طردها من بيته وساكنة الحين في بيت بنتها !!!!!!
هذي مثال من أمثلة .. بس وين بيروحون من عذاب رب العالمين ,
والله قهرررررررررررررر
أعرف ناس محتاجه للشؤون وتخايلو قطعوه منهم وأما إلي مرتاحين ما قطعوه منهم
تخايلو القهررررررررررر
العايله محتاجه هالفلوووووووس من صدق والأم مواطنه
والأب وافد وما عنده شغل
والأولاد مخلصين الثانويه لكن ما يقدرون يشتغلون لأنهم وافيدن مع ان الأم مواطنه
وغير الحين الأسعار نار وين تكفيهم ال 2200
بس الحمدلله ردو لهم الشونه لكن الخوف لا يقطعونها مره ثانيه
عيب إلي يصير عيييييييييييب
والواحد يراعي ويخاف الله
يا ما في من هاالا شكال وايد بس شو نقول الله لهم
صدقج والله وانا اعرف واحد مقتدر وعنده خير وياخذ من الهلال الاحمر وبيت الخير
انا اعرف ان الشؤون خلوها فقط للي ما عندهم املاك ووايد ناس انقطعت عنهم ……. وبعدين عيب اطلعون اسرار الناس هذا يعتبر نميمه ولو هم مش محتاجين جان قطعوها عنهم
أنا أحس بعد استحالة يعطون حد بدون ما يستحق ويمكن صح يكون عندهم بس عدد الافراد وااايد والراتب والمدخول يكفي وانتو شو لكم فيهم الله يسامحهم اذا شرات ما قلتوا وانا اعرف بحكم انه اهلي يشتغلون في مراكز الشؤون وهذا اللي اعرفه … السموحة